Нийслэлийн Баянзүрх дүүргийн тавдугаар хорооны наймдугаар байранд өчигдөр /2019.09.02/ химийн бодис алдагджээ. Оршин суугчдын ярьж байгаагаар 12 цагийн үед алдагдсан байж болзошгүй бөгөөд тус байрны гадаа Онцгой байдал, мэргэжлийн хяналт, түргэн тусламж болон бусад холбогдох байгууллагуудын хамтарсан шалгалтаар 2.25 м2 талбайд аммиак асгарсан байсныг дээж авч хэмжилт хийхэд хүний биед ямар нэгэн аюул учруулах түвшинд байгаагүй аж.
Хөрсийг хуулан авч усаар саармагжуулан аюулгүй болгон тус дүүргийн Цагдаагийн байгууллага, Нийслэлийн мэргэжлийн хяналтын газрын алба хаагч тус газрыг хүлээлгэн өгчээ. Аммиак нь ихэвчлэн хөргүүртэй газруудад байдаг гэнэ.
