Хууль эрхзүй

Загасанд явсан иргэн амиа алджээ

Сурталчилгаа

Архангай аймгийн  Булган сум,  Тамир голоос  60 настай эрэгтэй загас барихаар яваад амь насаа алджээ.  Тодруулбал, тус сумын Тамир багийн Сангийн толгой гэдэг газарт зургаан хүн зугаалж явснаас иргэн Г нь загас барих гэж яваад сураггүй болсон байна. Энэ тухай дуудлага өчигдөр /2019.08.29/ 22:55 цагт аймгийн Онцгой байдлын газарт иржээ. Дуудлагын дагуу Онцгой байдлын газрын дөрвөн алба хаагч, нэг автомашин, ар гэрийн хоёр хүний хамт эрэн хайх ажиллагааг зохион байгуулж  23:51 цагт Сангийн толгой гэдэг газраас баруун зүгт 2 км-т голын эрэг дагуух бургаснаас цогцсыг олж аймгийн Цагдаагийн газрын жижүүрийн бүрэлдэхүүнд шилжүүлэн өгсөн байна.

Мөн Завхан аймгийн Отгон сумын Буянт багийн Хуягт-Уул гэдэг газар /сумын төвөөс зүүн хойд зүгт 72 км-т/ Завхан аймгийн нутгаар аялж байгаад Улаанбаатар хотын чиглэлд зорчиж явсан Итали улсын харьяат иргэн Г /29 настай, эрэгтэй/-ын жолоодож явсан суудлын автомашин шаварт суусан тухай дуудлага өчигдөр /2019.08.29/15:53 цагт хүлээн авчээ. Дуудлагын дагуу тус аймгийн Онцгой байдлын газрын 3 алба хаагч, 1 автомашинтай явж, өнөөдөр /2019.08.30/ 06:00 цагийн орчимд шаварт суусан автомашиныг татан гаргажээ.

ХОЛБООТОЙ МЭДЭЭ

Сэтгэгдэл

Таны сэтгэгдэл

Back to top button
Close