Ц.Элбэгдорж, Ч.Сайханбилэг, М.Энхсайхан нар “Эрдэнэс Тавантолгой”-г үнэгүй өгөх шахсан

Монгол Улсын Үндсэн хуульд оруулах нэмэлт, өөрчлөлтийн төслийн хоёр дахь хэлэлцүүлгийг УИХ-ын ээлжит бус чуулганы нэгдсэн хуралдаанаар хэлэлцэх үеэр УИХ-ын гишүүн Б.Бат-Эрдэнэ “Байгалийн баялаг ард түмний мэдэлд байх зарчим алдагдлаа. Байгалийн баялаг ард түмний өмч байх ёстой гэдэг санал оруулахад ажлын хэсгээс хассан. Харин Ерөнхийлөгчөөс санал ирүүлснээр байгалийн баялгийг төрийн нийтийн өмч гэж нэрлэхээр болж. Ашиглалттай холбоотой зохицуулалтыг яагаад орхигдуулчихав. 51-ээс доошгүй хувийг төр авах заалтыг яагаад орхигдуулав” хэмээн асуулаа.

Үүнд Ерөнхийлөгчийн Тамгын газрын дарга З.Энхболд “Одоогоор байгалийн баялгийг ард түмний мэдэлд байдаг өмчийг төрийн өмч гэж томьёолсон байгаа. Ард түмнээсээ сонгогддог төлөөлөлтэй улсад ийм хэлбэр байж болно. Гэхдээ төрийн өмчийг хувийн юм шиг авч үздэг төртэй байж бид үзсэн. Ердөө гуравхан жилийн өмнө Ерөнхийлөгч асан Ц.Элбэгдорж, Ерөнхий сайд асан Ч.Сайханбилэг, Шадар сайд асан М.Энхсайхан нар ард түмний мэдэлд байдаг  “Эрдэнэс Тавантолгой” компанийг Монгол-Хятадын хамтарсан компанид 100 жилээр үнэгүй өгөх шахсан.

Энэ танхимд сууж байгаа гишүүд авч үлдсэн. Тиймээс Ерөнхийлөгчийн байр суурь бол төрийн нийтийн өөрийн өмч гэдгийг сандал ширээнээс өөр гэдгийг л тунхаглая гэж байгаа юм. Одоо ба ирээдүй үеийн эрүүл, аюулгүй орчин гэдэг бол одоо байгаа хүмүүсийн паблик компани биш. Ирээдүйн монголчуудын өмч. Тиймээс төрийн нийтийн өмч гэдэг нь өнөөдрийнхөөс өөр зохицуулалтаар явах ёстой. Хэрэв хувьчлах бол “Эрдэнэс Тавантолгой”-н хоёр сая хувьцаа эзэмшигчээс асуух ёстой” хэмээн тайлбар хийлээ.

updown.mn

Мэдээний админ

Learn More →

2 thoughts on “Ц.Элбэгдорж, Ч.Сайханбилэг, М.Энхсайхан нар “Эрдэнэс Тавантолгой”-г үнэгүй өгөх шахсан

  1. chingisiin zee hvv 2019-08-29 16:12 at 16:12

    urvagchdiig tsaazal vter tvrven

    Хариулах
  2. irgen 2019-08-31 17:00 at 17:00

    Enhbold jinhene chono

    Хариулах

irgen-д хариу үлдээнэ үү Хариултыг цуцлах

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн