Э.Бат-Үүл: Төрөөс төрсөн их наядтангуудын хулгай гэр хорооллын дахин төлөвлөлтийг зогсоосон

Хотын дарга асан Э.Бат-Үүл өөрийн цахим хуудастаа төрөөс төрсөн их наядтангуудын хулгайг дэлгэрэнгүй ярьж буй талаар байр сууриа илэрхийлэв.

Тэрбээр, төрийн түшээдийн их хэмжээний хулгайг хараад сэтгэл нь гонсгор болж, гэр хорооллын дахин төлөвлөлтийг энэ их мөнгөөр хэрэгжүүлсэн бол Улаанбаатар хот яндангүй, модон жорлонгүй, азийн цагаан дагина болох боломжтой байсан хэмээн мэдэгдсэн байна.

Мөн сургууль цэцэрлэгийн асуудал шийдэгдэж, гэр хороолол таун хаус хороололд хувирсан байх байсан гэж дүгнэв.

Түүний хэлснээр, өмнө нь гэр хорооллын дахин төлөвлөлтийг зогсоосон явдал нь хорлол бус, харин хулгайчдын мөнгөө идэх бүтцийг хадгалахад чиглэгдсэн байжээ.

Эцэст нь гэр хорооллынхон энэхүү асуудалд хариу үйлдэл үзүүлэхэд сул, арчаагүй байгаа талаар үзэл бодлоо илэрхийлсэн бөгөөд улстөрийн троллуудтай тэмцэхэд бэрхшээлтэй байгаагаа илэрхийллээ.