Ш.Энхийн-Од NBA-ийн Орландо Мэжик багтай гэрээ байгууллаа

Монгол Улсын гавьяат тамирчин Ц.Шаравжамцын хүү Ш.Энхийн-Од буюу Mongolian Mike нь NBA-ийн Орландо Мэжик багтай албан ёсоор гэрээ байгуулжээ. Аав нь Ц.Шаравжамц энэхүү мэдээг олон жил хүлээсэн бөгөөд Монголын анхны NBA гэрээт тамирчин болж байгаад баяртай байгаагаа илэрхийлсэн байна.

Ш.Энхийн-Од 2002 онд төрсөн бөгөөд АНУ-ын Дейтон Флайерс, Сан Франциско Донс, Юта Ютс, Өмнөд Каролина Гэймкокс багуудад коллежийн сагсан бөмбөг тоглож байсан. Тэр NCAA-ийн I дивизионд спортын тэтгэлэг авсан анхны Монгол тамирчин юм. Коллежийн сүүлийн улиралдаа 32 тоглолтод дунджаар 10.9 оноо, 5.6 самбар авсан үзүүлэлттэй байв.

Лас Вегаста болсон зуны лигийн үеэр тэрбээр бусад тоглогчдоос суралцаж буйгаа хэлсэн бөгөөд NBA-ийн хурд хөдөлгөөн, бие хамгаалалтын тогтолцоонд дасах нь хамгийн том сорилт гэжээ. Тэрбээр NBA-д тоглосон анхны Монгол тамирчин болох зорилго тавин ажиллаж байгаа юм.

Ш.Энхийн-Одын аав Ц.Шаравжамц нь Харлем Глоубтроттерс багт элссэн анхны Азийн тоглогч байсан бөгөөд өвөө нь Монголын шигшээ багт тоглож байсан түүхтэй. Ш.Энхийн-Од ирээдүйд Монголын үндэсний шигшээ багт тоглох хүсэлтэйг илэрхийлсэн байна.