Дэлхийд

Халдлага үйлдсэн этгээд “Өлссөн учраас Уолмарт дэлгүүрт халдсан” гэж мэдүүлжээ

АНУ-ын Техас мужийн Эль Пасо хотод байрлах “Уолмарт” дэлгүүрт энэ сарын 03-ны өдөр халдлага үйлдсэн этгээд “Өлссөн учраас Уолмартад орсон тэрхэн хоромд би юу  ч бодож чадаагүй” гэж мэдүүлжээ. Халдлагыг 21 настай Патрик Крусиус үйлдсэн юм. Техас мужийн уугуул энэ этгээд огцом ууртай, өөрийгөө хянах чадваргүй, сэтгэл заслын хэд, хэдэн эмчилгээнд хамрагдаж байсныг нь тогтоожээ. Түүнчлэн мексик болон хар арьстнууд, ази гаралтай хүмүүсийг үзэн яддаг үзэлтэй аж.

Одоогоор цагдаагийн газраас мөрдөн шалгах ажиллагаа явуулж байна. Мөрдөн шалгалтын явцад гэрээс нь “Цагаан үзэл суртал” нэртэй тунхгийн чанартай хэдэн хуудас материал, Шинэ Зеландын Крайстчөрч хотод болсон халдлагыг дэмжсэн утгатай зурагт хуудас зэргийг илрүүлсэн байна. Техас мужид гарсан хамгийн хөнөөлт энэ халдлагын дараа АНУ-ын Ерөнхийлөгчийн сонгуульд нэр дэвшигчид галт зэвсэг ашиглахыг хориглох тухай үзэл бодол, байр суурь илэрхийлэх болоод байна. Халдлагын улмаас Техас муж гурав хоногийн гашуудал зарлаж, мужийн далбааг бөхийлгөн хүндэтгэл үзүүлж буй билээ.

ХОЛБООТОЙ МЭДЭЭ

Сэтгэгдэл

Таны сэтгэгдэл

Back to top button
Close