Сөүлд үнэгүй Покэмон карт тараах арга хэмжээ 40 мянган хүн цугларснаар цуцлагдлаа

“Pokemon Korea” компани 2026 оны тавдугаар сарын 1-нд Сөүлийн Сонсү дүүрэгт үнэгүй Покэмон карт тараах арга хэмжээ зохион байгуулахаар төлөвлөж байв. Гэвч тус арга хэмжээнд 40 мянга гаруй хүн цугларсан тул Сөүл хотын захиргааны хүсэлтээр үйл ажиллагааг цуцалжээ.

Арга хэмжээний хүрээнд Мажикарп нэртэй ховор төрлийн Покэмон карт тараахаар байсан бөгөөд энэ нь “Pokemon Mega Festa” 30 жилийн ойн баярыг тохиолдуулан “Seoul International Garden Show”-той хамтран зохион байгуулагдаж байв.

Арга хэмжээ цуцлагдахаас өмнө олон хүн нэг дор бөөгнөрсөн тухай мэдээлэл сошиал сүлжээнд тарж, интернэт сүлжээ доголдсон тухай хэрэглэгчид мэдээлсэн байна.

Покэмон картууд нь зах зээл дээр өндөр үнэ хүрдэг бөгөөд 2026 оны хоёрдугаар сард 1998 оны Пикачүгийн карт 16.5 сая ам.доллараар зарагдсан тохиолдол бий.