Нийслэлийн Засаг даргын орлогч Т.Даваадалайг 48 цаг баривчилжээ

Нийслэлийн Засаг даргын Эдийн засаг, дэд бүтцийн асуудал хариуцсан нэгдүгээр орлогч Т.Даваадалайг 48 цагийн хугацаатай баривчилсан талаар Нийслэлийн Засаг дарга Х.Нямбаатар өөрийн цахим хуудастаа мэдээлжээ.

Эрүүгийн цагдаагийн албанаас Т.Даваадалайгийн гэрт нэгжлэг хийсэн бөгөөд түүнийг баривчлах ажиллагаа явуулсан байна. Нийслэлийн Засаг дарга Х.Нямбаатарын мэдээллээр, Т.Даваадалайг гэрийн хаягтай, оргон зайлаагүй, мөрдөгчийг айлган сүрдүүлээгүй, нотлох баримт устгаагүй нөхцөлд 48 цаг баривчилсан гэжээ.

Түүнчлэн, Т.Даваадалайгийн эхнэр Б.Анхтуяагийн нэр дээр бүртгэлтэй компани “Туулын хурдны зам”-ын тендерээс 20 тэрбум төгрөг авсан асуудалтай холбогдон хууль хяналтын байгууллагууд шалгалт явуулж эхэлсэн байна.