Сүхбаатар аймагт цасан шуурганд төөрсөн гурван иргэнийг хилчид эсэн мэнд олжээ

Сүхбаатар аймгийн Наран сумын I багийн гурван иргэн 2024 оны 02 дугаар сарын 21-ний өдөр 11 цагийн орчимд малаа эрэхээр явж байгаад цасан шуурганд төөрч сураггүй болсон тухай мэдээллийг 15:10 цагт Хилийн цэргийн 0184 дүгээр ангийн дугаар салбарт ирүүлжээ. Мэдээллийн дагуу хилчид эрлийн ажиллагааг шуурхай зохион байгуулж, 17:40 цагт төөрсөн гурван иргэнийг 350 орчим малын хамт эсэн мэнд олж, ар гэрт нь хүлээлгэн өгсөн байна.