“Гүйе, түүе” челленж эхэллээ

Нийслэлийн Засаг дарга бөгөөд Улаанбаатар хотын Захирагчийн 2016-2020 оны үйл ажиллагааны хөтөлбөрийн 4.6.5-т Нийслэлийн хөгжил, тохижилтыг сайжруулах зорилтот төслүүдийг хэрэгжүүлж, залуучуудын санаачилга оролцоог нэмэгдүүлэхээр тусгасан төдийгүй 2019 оны 07-р сарын 22-ны өдрийн Нийслэлийн Засаг даргын шуурхай хуралдаанаар нийслэлийн нутаг дэвсгэрт үйл ажиллагаа явуулж байгаа иргэд, аж ахуй нэгж байгууллагуудын оролцоотой “Цэвэр хот-Хоггүй аян” арга хэмжээг нутгийн захиргааны бүх байгууллагууд 14 хоног тутамд зохион байгуулж, ажиллах үүрэг даалгаврын хүрээнд Нийслэлийн Гэр бүл, хүүхэд, залуучуудын хөгжлийн газраас 2019 оны 07 дугаар сарын 27-ны өдөр “Гүйе! Түүе!” челленж аяныг “Бид хог хаядаггүй албан хаагчид” уриатайгаар зохион байгуулж, байгууллагын ойр орчим болон Сэлбэ голын эрэг дагуух газрыг цэвэрлэв.

Нийслэлийн Гэр бүл, хүүхэд, залуучуудын хөгжлийн газрын даргын үүргийг түр орлон гүйцэтгэгч Ө.Ган-Өлзий: “ГҮЙЕ, ТҮҮЕ” челленж аянд нэгдэн Нийслэлийн 9 дүүргийн Гэр бүл, хүүхэд, залуучуудын хөгжлийн хэлтэс дүүрэг, хороодын албан хаагчид, иргэдтэй хамтран хуваарийн дагуу албан байгууллагынхаа ойр орчмын бүсэд цэвэрлэгээ зохион байгуулж, зураг, дүрс бичлэгээр баталгаажуулан, #НГБХЗХГГүйеТүүеЦэвэрхотХоггүйаян гэх нэрээр хаш таг үүсгэн байгууллагынхаа албан ёсны цахим хуудсаар давлагаа үүсгэж, хоггүй хотын төлөө хамтран ажиллахыг уриалж байна.

Уг аяны хүрээнд иргэдийг хогоо хогийн саванд хаяж хэвшихийг уриалахаас гадна нөгөө талаар хувь хүн бүрт “Zero Waste” буюу хог хаягдал багатай амьдрах, байгальд ээлтэй хэрэглээний соёл, амьдралын хэв маягийг түгээн дэлгэрүүлэхийг зорьж байна.

Тухайлбал өргөн хэрэглэдэг нэг удаагийн хэрэглээнүүдээс татгалзах, олон жижиг савлагаатай бүтээгдэхүүн авахгүйгээр том савлагаатай бүтээгдэхүүн сонгоход эдийн засгийн хувьд хэмнэлттэйгээс гадна сав, баглаа боодлын хог бага гарна, өөрийн усны саваа байнга авч явахад хуванцар савтай ус авах шаардлага гарахгүй гэх зэрэг энгийн атлаа хог хаягдал багатай амьдрах олон зарчим, арга бий. Эдгээрийг түгээн дэлгэрүүлэх нь нэн чухал юм” гэлээ. гэж нийслэлийн Гэр бүл, хүүхэд, залуучуудын хөгжлийн газраас мэдээллээ.

Нийслэлийн 9 дүүргийн Гэр бүл, хүүхэд, залуучуудын хөгжлийн хэлтсийн

“ГҮЙЕ, ТҮҮЕ” челленж аянд нэгдэх хуваарь

Нэрс Хуваарь
1 Нийслэлийн Гэр бүл, хүүхэд, залуучуудын хөгжлийн газар 2019 оны 07-р сарын 27-ны өдөр
2 Сонгинохайрхан 2019 оны 08-р сарын 03-ны өдөр
3 Баянгол 2019 оны 08-р сарын 10-ны өдөр
4 Баянзүрх 2019 оны 08-р сарын 17-ны өдөр
5 Сүхбаатар 2019 оны 08-р сарын 24-ний өдөр
6 Чингэлтэй 2019 оны 08-р сарын 31-ний өдөр
7 Хан-Уул 2019 оны 09-р сарын 07-ны өдөр
8 Налайх 2019 оны 09-р сарын 14-ний өдөр
9 Багахангай 2019 оны 09-р сарын 21-ний өдөр
10 Багануур 2019 оны 09-р сарын 28-ны өдөр

updown.mn

Мэдээний админ

Learn More →

Хариулт үлдээнэ үү

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн