Монголын хоёр тамирчин өсвөрийн даамын ДАШТ-ээс алтан медаль хүртэх болзол хангалаа

Турк улсад болж буй даамын өсвөр, залуучуудад зориулсан Дэлхийн аварга шалгаруулах тэмцээний үндсэн төрлийн тэмцээн дуусахаас нэг өргийн өмнө Монголын хоёр тамирчин алтан медаль хүртэх болзлыг хангажээ.
Хөвгүүдийн 9-10 насны ангилалд “Ирээдүй” даамын академийн тамирчин СМ Эрдэнэцогтын Арвин-Эрдэнэ, мөн насны охидын ангилалд Архангай аймаг, “Даам Месси” клубийн тамирчин СМ Баянмөнхийн Эрмүүнзаяа нар аваргалах нь тодорхой болсон байна.
Б.Эрмүүнзаяа нь Монголын даамчдаас ДАШТ-ий үндсэн төрөлд хошой аварга болсон анхны тамирчин бөгөөд өмнө нь блиц төрлөөр хоёр, рапид төрлөөр нэг алтан медаль хүртэж байжээ.
