Нийгэм

Бетон зуурагч дотор цэвэрлэгээ хийж байсныг нь мэдэлгүй зуурагчийг ажиллуулжээ

Нийслэлийн Сонгинохайрхан дүүргийн 7 дугаар хороонд бетон зуурагчийн бункерт хүн хавчуулагдсан тухай дуудлага өчигдөр (2019.07.23) 18:10 цагт иржээ. Дуудлагын дагуу Нийслэлийн Аврах ангийн алба хаагчид 18:27 цагт очиж, иргэн Л-г гаргаж, эмнэлгийн анхны тусламж үзүүлж Эмнэлгийн байгууллагад шилжүүлэн өгсөн байна.

Баянгол дүүргийн харьяат тухайн иргэн 29 настай бөгөөд “Ган-тэсном” ХХК-ийн ажилтан аж. Тэрээр JS-500 загварын суурин бетон зуурагчийн бункер дотор цэвэрлэгээ хийх явцад тус байгууллагад шинээр ажилд орсон туслах ажилтан Н санамсаргүйгээр бетон зуурагчийг ажилуулсанаар иргэн Л хөл хэсгээрээ бетон зуурагчийн хутгуурт хавчуулагдсан байжээ.

Иймд аливаа эрсдэлээс урьдчилан сэргийлэх үүднээс байгууллагууд ажилчдаа Хөдөлмөрийн аюулгүй ажиллагааны сургалтад бүрэн хамруулж, ажилчид аюулгүй ажиллагааг хангаж ажиллахыг анхааруулж байна.

ХОЛБООТОЙ МЭДЭЭ

Back to top button
Close