Warning: include_once(/home/spotligh/updown.mn/wp-includes/header.php): Failed to open stream: No such file or directory in /home/spotligh/updown.mn/wp-config.php on line 103

Warning: include_once(): Failed opening '/home/spotligh/updown.mn/wp-includes/header.php' for inclusion (include_path='.:/opt/cpanel/ea-php81/root/usr/share/pear') in /home/spotligh/updown.mn/wp-config.php on line 103
Трампыг түүхийн талаар үндэслэлгүй зүйл ярилаа хэмээн шүүмжлэв үү – updown.mn

Трампыг түүхийн талаар үндэслэлгүй зүйл ярилаа хэмээн шүүмжлэв үү

Пүрэв гарагт буюу долдугаар сарын 4-нд АНУ-д тусгаар тогтнолын баярын өдөр тохиож, Дональд Трамп ард иргэддээ хандан нэг цаг орчим хугацаанд илтгэл тавьсан юм.

Тэрээр өөрийн зэвсэгт хүчинд хүндэтгэл үзүүлсэн агуулгатай үг хэлэхдээ Америкийн хувьсгалын үеэр эх орончид Британий колоничлогчдын мэдэлд байсан нисэх буудлуудыг эзлэн авч, баатарлаг гавьяа байгуулж байсан тухай ярьжээ.

Америкийн хувьсгал нь 18 дугаар зууны сүүл үеийн (1775 он) хэрэг явдал бөгөөд үүнээс зуу гаруй жилийн дараа хүн төрөлхтөн анх удаа нисэх онгоц зохион бүтээж байсан юм.

Тиймээс хүмүүс Трампыг түүхэн үндэслэлгүй зүйл ярилаа хэмээн шүүмжилж байв. Маргааш нь сэтгүүлчид Трампаас яагаад ийм зүйл ярьсныг нь асууж тодруулжээ.

Трамп телепромптер буюу хэлэх үгийг нь харуулдаг дэлгэц борооны улмаас эвдэрч, цээжээрээ ярихаас өөр аргагүй болсон гэж тайлбарласан байна.

“Борооны ус телепромптерыг эвдсэн байх. Би хэлэх үгээ маш сайн мэдэж байсан тулдаа гайгүй гарлаа. Гэхдээ бэрхшээл тохиолдсоныг үгүйсгэхгүй” гэж Дональд Трамп ярьсан юм.

Тэрээр хэлсэн үгэндээ ганц ийм алдаа гаргаагүй байна. Илтгэлийнхээ бас нэг хэсэгт Америкийн Хувьсгалын дайныг 1812 оны дайнтай хольж хутган ярьжээ.

Энэ жилийн тусгаар тогтнолын баярын үеэр Трамп зэвсэгт хүчнээ магтан дуулж, зарим танк техникийг нийтэд үзүүлж, сөнөөгч онгоцнуудыг Вашингтоны тэнгэрт нисгэж үзүүлсэн юм.

Эх сурвалж: AFP

updown.mn

Мэдээний админ

Learn More →

Хариулт үлдээнэ үү

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн