Тээврийн цагдаагийн албаны Жижүүрийн шуурхай удирдлагын хэлтэст энэ ажлын өдрүүдэд нийт 1096 дуудлагыг хүлээн авснаас зам тээврийн ослын шинжтэй 756 дуудлага хүлээн авчээ. Бүртгэгдсэн ослын улмаас нийслэлд 31 хүн гэмтэж, ноцтой зам тээврийн ослын улмаас нийслэлд хоёр, орон нутагт хоёр хүний амь нас хохирсон байна.
Төв аймгийн Аргалант сумын гуравдугаар багийн нутаг 2019 оны долоодугаар сарын 01-ний 18.50 цагийн орчимд “Цагаан хөтөл” гэх газар /Сумын төвөөс зүүн тийш 20км-т/ асфальтан замд амины Kia K5 маркийн автомашины жолооч С нь амины Toyota Prius маркийн О жолоочтой автомашинтай мөргөлдөж, зорчигч 42 настай, эмэгтэй Н нас барж, жолооч 24 настай, эрэгтэй О, 32 настай, эрэгтэй С, зорчигч 41 настай, эмэгтэй Ц, 67настай, эмэгтэй Ц, 75 настай, эрэгтэй Н, 58 настай, эрэгтэй О нарын зургаан хүн гэмтсэн.
Мөн долоодугаар сарын 02-ны 23.06 цагийн орчимд Төв аймгийн Заамар сумын Хайлааст гуравдугаар багийн нутаг Баянголын адаг гэх газар /Хайлааст багийн төвөөс урагшаа 13 км/ шороон замд Тoyota Chaiser маркийн автомашины жолооч М нь Bongo Pronter маркийн Б жолоочтой автомашинтай мөргөлдөж, зорчигч 31 настай эмэгтэй Б нас барж, 51 настай, эмэгтэй, О, 38 настай, эмэгтэй Н нарын хоёр хүн гэмтсэн байна.
Баянзүрх дүүргийн 23 дугаар хороо Товчооны зам, Баянзүрхийн товчоо явах замд амины Toyota сorolla У жолоочтой автомашин онхолдож, зорчигч 54 настай, эрэгтэй Ж, 30 настай, эмэгтэй Т, 44 настай, эмэгтэй Б нарын 3 хүн гэмтсэн.
Сонгинохайрхан дүүргийн 21 дүгээр хороо Дархан явах зам, 52-ын давааны урд замд Landrover Rangerover автомашины жолооч М нь Toyota Prius Д жолоочтой автомашинтай мөргөлдөж, жолооч 27 настай, эрэгтэй Д, зорчигч 34 настай, эрэгтэй А, нарын 2 хүн нас барж, зорчигч 28 настай, эрэгтэй Т, 44 настай, эмэгтэй Б, 28 настай, эрэгтэй С нарын нарын гурван хүн гэмтсэн.
Мөн алба хаагчдаас хийсэн хяналт шалгалтын үеэр согтуугаар тээврийн хэрэгсэл жолоодсон 122 жолоочийг илрүүлэн эрхгүй үедээ согтуугаар тээврийн хэрэгсэл жолоодсон 33 хүнийг шүүхээр баривчилж хуулийн дагуу хариуцлага тооцсон байна. Энэ долоо хоногт бүртгэгдсэн зам тээврийн осол, хэргийг өмнөх долоо хоногийн нөхцөл байдалтай харьцуулахад нийт дуудлага мэдээлэл 0.8 хувиар, зам тээврийн ослын шинжтэй дуудлага 12.5 хувиар, гэмтсэн хүн 0.8 хувиар, зам тээврийн ослын улмаас нас барсан хэрэг осол 20 хувиар тус тус буурсан үзүүлэлттэй байна.
