Warning: include_once(/home/spotligh/updown.mn/wp-includes/header.php): Failed to open stream: No such file or directory in /home/spotligh/updown.mn/wp-config.php on line 103

Warning: include_once(): Failed opening '/home/spotligh/updown.mn/wp-includes/header.php' for inclusion (include_path='.:/opt/cpanel/ea-php81/root/usr/share/pear') in /home/spotligh/updown.mn/wp-config.php on line 103
ЦАХЭАХХ-ны Н.Алтанбаатарыг “Цагдаагийн гавъяа“ тэмдэгээр шагналаа – updown.mn

ЦАХЭАХХ-ны Н.Алтанбаатарыг “Цагдаагийн гавъяа“ тэмдэгээр шагналаа

Цагдаагийн алба хаагчдын эрх ашгийг хамгаалах холбооны тэргүүн Н.Алтанбаатар нь тус Төрийн бус байгууллагыг 2013 онд үүсгэн байгуулж, өнөөдрийг хүртэл нийт алба хаагчдын дуу хоолой болж, тэдний санал бодлыг шийдвэр гаргах түвшинд хүргэхийн төлөө ажиллаж, тодорхой хувь нэмрээ оруулан ажиллаж байгаа билээ. Түүний цагдаагийн алба хаагчдын төлөө хийсэн хөдөлмөрийг нь өндөрөөр үнэлж Цагдаагийн Ерөнхий Газраас түүнийг “Цагдаагийн Гавьяа” тэмдэгээр шагнасныг ЦЕГ-ын Дэд дарга Ж.Болд гардуулан өглөө.

ЦАХЭАХХ-ны тэргүүн Н.Алтанбаатар “Бидний үйл ажиллагаа алба хаагчдын хууль ёсны эрх ашиг, сонирхолыг хамгаалах, тэдгээрийн зөрчигдсөн эрхийг сэргээх, тэдэнд тулгарч буй хүндрэл бэрхшээл, тулгамдсан асуудлыг иргэд олон нийтэд зөв ойлгуулах, албанаас тэтгэвэрт гарсан хүмүүсийг амьдралаа авч явахад нь туслах, гэр бүлд нь дэмжлэг туслалцаа үзүүлэхэд чиглэгдсэн байдаг. Тийм ч учраас өнөөдөр манай холбооны үйл ажиллагаа, мэдээ, мэдээллийг өдөр тутамдаа 8000 орчим цагдаагийн алба хаагч тогтмол авч байна.Ер нь төрийн тусгай чиг үүрэг бүхий байгууллагуудад үйлдвэрчний эвлэл ч юм уу, тэдний төлөө гэсэн байгууллага байдаггүй. Одоогоор ганц манай холбоо л байна. Цаашид цаг наргүй, ачаалал ихтэй, өргөсөн тангарагтаа үнэнч ажиллаж буй нийт алба хаагчдынхаа төлөө хийхээр төлөвлөсөн ажил олон байна. Манай холбооны ажлыг дэмжиж байдаг Цагдаагийн байгууллагын удирдлагууддаа талархаснаа илэрхийлье. Би ойлгохдоо бидний ажлыг дэмжих гэхээсээ илүү нийт алба хаагчдынхаа төлөө хийж буй анхаарал, дэмжлэг гэж ойлгож байгаа. Түмнийхээ төлөө хоёргүй сэтгэлээр зүтгэж буй алба хаагчиддаа ажлын өндөр амжилтыг хүсье” хэмээн сэтгэгдлээ хуваалцлаа.

Хариулт үлдээнэ үү

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн