Худалдаа хөгжлийн банкны Төлөөлөн удирдах зөвлөлийн дарга Д.Эрдэнэбилэгийг өчигдөр /2019.05.28/ 30 хоногийн хугацаатай баривчлах шийдвэрийг шүүхээс гаргасан байна. Тодруулбал, “Эрдэнэт” үйлдвэрийн 49 хувийг ОХУ-ын талаас худалдан авах үйл ажиллагаа нь хууль зөрчсөн үндэслэлээр хорихоор болжээ.
Нийслэлийн Прокурорын газраас ирүүлсэн хүсэлтийг Сүхбаатар дүүргийн Эрүүгийн хэргийн анхан шатны шүүхээр хэлэлцээд дээрх шийдвэр гаргасан байна.