Нийгэм

Айлын хашаа, гэр мөргөж гурван хүн гэмтээжээ

Цагдаагийн Тээврийн цагдаагийн албаны Жижүүрийн шуурхай удирдлагын хэлтэст өнгөрөгч амралтын өдрүүдэд нийт 426 дуудлагыг хүлээн авснаас зам тээврийн ослын шинжтэй 282 дуудлага, мэдээллийг хүлээн авч шалгажээ. Бүртгэгдсэн осол хэргийн улмаас нийслэлд 10 хүн гэмтэж бэртсэн ба орон нутагт ноцтой зам тээврийн ослын улмаас нэг хүний амь нас хохирчээ.

Тухайлбал, Сүхбаатар дүүргийн нутаг 18 дугаар хороо Бэлхийн замд 2019 оны тавдугаар сарын 18-ны өдөр Тист маркын автомашин замын гэрэлтүүлгийн шон мөргөж, зорчигч гурван настай хүү Г гэмтсэн.

-Сонгинохайрхан дүүргийн тавдугаар хороо Баянхошууны замд 2019 оны тавдугаар сарын 18-ны өдөр Приус маркын автомашин айлын хашаа, гэрийг мөргөж, жолооч 20 настай Х /эмэгтэй/, гэртээ байсан 37 настай эмэгтэй М, 17 настай эрэгтэй М нарын гурван хүн гэмтсэн.

-Хөвсгөл аймгийн Мөрөн сумын 14-р багийн нутагт энэ сарын 17-ны өдөр Мөрөн сумын төвд асфальтан замд Тист маркын автомашин явган зорчигч 58 настай Н /эрэгтэй/-ийг мөргөж амь нас хохироосон хэргүүдэд тус тус шалгалтын ажиллагаа явуулж байна.

Бүртгэгдсэн нийт ослын зургаа нь явган зорчигч мөргөж гэмтээсэн, 13 осол нь мөргөлдөх хэлбэрээр, нэг осол үл хөдлөх зүйл мөргөх хэлбэрээр тус тус бүртгэгдсэн байна. Харин согтуугаар тээврийн хэрэгсэл жолоодсон 87 жолоочийг илрүүлэн хуулийн дагуу хариуцлага тооцсон байна.

ХОЛБООТОЙ МЭДЭЭ

Сэтгэгдэл

Таны сэтгэгдэл

Back to top button
Close