Эрүүл мэнд

Зүрх өвдөх нь хүчилтөрөгч дутагдсаны шинж

Зүрх хэвийн ажиллахад шаардлагатай тэжээл буюу хүчилтөрөгч болон зүрхэнд ирэх цусны хэмжээ хангалттай байх шаардлагатай. Энэ хоёр үндсэн шалгуур алдагдсан буюу зүрхэнд ирж буй цусны хэмжээ хэвийн мөртөө хүчилтөрөгчийн агууламж нь бага байх, эсвэл цусанд дахь хүчилтөрөгчийн хэмжээ хэвийн боловч зүрхэнд ирэх цусны хэмжээ бага байх нь зүрхэнд тэжээл дутагдал үүсгэнэ.

Зүрхэнд ирэх цусны хэмжээ бага байх нь судас нарийсах, өөх тосоор бөглөрсөнтэй холбоотой байдаг. Цус, хүчилтөрөгч зүрхэнд дутагдаж байгаа нь хүнд цээжээр өвдөх, зүрх базалж, хүнд юмаар дарж байгаа юм шиг шинжүүдээр мэдрэгдэнэ.

Зүрхний өвдөлт нь зүүн гар дал, мөр үрүү дамждаг онцлогтой. Иймд ихэнхи тохиолдолд зүүн гар хүндэрч даагдахгүй болно. Хүчилтөрөгчийн дутагдал болон өвдөлтийн улмаас хүнд айдас төрж, агаар дутагдаж бачимдан хүйтэн хөлс нь цутгана. Өвдөлт нь стрессдсэн, гэнэт ачаалал авсан үед өвддөг бол хүндэрсэн үед энгийн үед ч илэрдэг.

Алхам №1

1_b Зүрх өвдөх нь хүчилтөрөгч дутагдсаны шинж

Тамхи татдаг хүмүүсийн зүрх өвдөх нь элбэг. Тиймээс та эрүүл мэндийнхээ төлөө тамхинаас татгалзах хэрэгтэй. Мөн өөрийгөө болон хайртай дотны хүнээ дам тамхидалтаас хамгаалаарай. Дам тамхидалт нь тамхи татах хэмжээний хор хөнөөлийг биед учруулдаг гэдэг. Агаарын бохирдолтой үед зориулалтын шүүлтүүртэй амны хаалт зүүж хэвших.

Алхам №2

2_b Зүрх өвдөх нь хүчилтөрөгч дутагдсаны шинж

Тогтмол хөдөлгөөн хийх нь биеийн эрүүл мэндэд эерэгээр нөлөө үзүүлнэ. Мөн биеийн жинг барина.

Алхам №3

3_b Зүрх өвдөх нь хүчилтөрөгч дутагдсаны шинж

Зүрх өвддөг хүний биеийн жин их хэлбэлздэг. Тиймээс та биеийн жингээ тогтмол үзэх хэрэгтэй. Биеийн жингийн илүүдэлгүй хүний зүрх ЭРҮҮЛ байдаг. Тиймээс та эрүүл зүрхний төлөө биеийн жингээ байнга хянаж, анхаарлаа хандуулж байгаарай.

Алхам №4

4_b Зүрх өвдөх нь хүчилтөрөгч дутагдсаны шинж

Зөвхөн эмчийн заавраар эм хэрэглэх. Зүрх бол маш эмзэг эрхтэн гэдгийг мартаж болохгүй.

Алхам №5

5_b Зүрх өвдөх нь хүчилтөрөгч дутагдсаны шинж

Давс болон шарсан, хуурсан хоол, хүнснээс татгалзах. Эдгээр хүнсний бүтээгдэхүүн тэр чигтээ биеийн эрүүл мэндэд сөрөг үр дагавартай. Давс болон шарсан хоол хүнс хэрэглэдэг хүний зүрх өөхөлсөн байх нь элбэг.

Алхам №6

6_b Зүрх өвдөх нь хүчилтөрөгч дутагдсаны шинж

Эрүүл хүнс хэрэглэх хэрэгтэй. Эрүүл хоололт таны эрүүл мэндийг хамгаалахаас гадна сэтгэл санааг өөдрөг болгодог увидастай.

Алхам №7

7_b Зүрх өвдөх нь хүчилтөрөгч дутагдсаны шинж

Архи болон согтууруулах ундаанаас татгалзах.

Алхам №8

8_b Зүрх өвдөх нь хүчилтөрөгч дутагдсаны шинж

Тогтмол эмчид үзүүлэх нь хамгийн үр дүнтэй арга.

Алхам №9

9_b Зүрх өвдөх нь хүчилтөрөгч дутагдсаны шинж

Даралт ихсэхээс урьдчилан сэргийлэх.

Алхам №10

10_b Зүрх өвдөх нь хүчилтөрөгч дутагдсаны шинж

Тайван байх нь зүрхэнд тустай. Тиймээс та өөрийгөө тайван байлгаж, стрессээс ангид байх хэрэгтэй.

ХОЛБООТОЙ МЭДЭЭ

Сэтгэгдэл

Таны сэтгэгдэл

Back to top button
Close