Улс төр

Ерөнхий сайд Хэнтий аймгийн сумдад тулгамдсан асуудлуудыг шийдвэрлэлээ

Ерөнхий сайд У.Хүрэлсүх Хэнтий аймгийн Жаргалтхаан суманд ажиллалаа. Тэрбээр эхлээд тус сумын иргэдтэй уулзаж, орон нутаг дахь төрийн үйлчилгээ, удирдлагын ажлын хэрэгжилтийн тайланг сонслоо.

0be86dda56fae4e3d91a8f7bb427b436-1024x683 Ерөнхий сайд Хэнтий аймгийн сумдад тулгамдсан асуудлуудыг шийдвэрлэлээ

Ерөнхий сайд тус суманд ажиллах үеэр олон жил хүлээгдэж, орхигдсон тулгамдсан асуудлуудыг шийдсэн юм. Тухайлбал, 47 жилийн өмнө баригдсан, хуучирч, муудсан ерөнхий боловсролын сургуулийг ирэх онд шинээр барихаар зураг төсөл, төсвийн хамт шийдвэрлэхээр болсныг сургуулийн багш, сумын удирдлагад Ерөнхий сайд танилцууллаа. 320 хүүхэд суралцах боломж буй өнөөдрийн багтаамжийг нь нэмэгдүүлэхийг даалгалаа. Мөн эрчим хүчний чадал нь хүрэлцдэггүйгээс хүчдэл нь байнга унадаг байна. Энэ асуудлыг шийдвэрлэхэд 3,2 тэрбум төгрөг зарцуулж, энэ оны есдүгээр сард багтааж нэмэгдүүлэхийг Эрчим хүчний сайдад үүрэг болгов.

61cfabefc993f59bc78593eedca48f19-1024x683 Ерөнхий сайд Хэнтий аймгийн сумдад тулгамдсан асуудлуудыг шийдвэрлэлээ

Жаргалтхаан суманд 12 хүнтэй онцгой байдлын бүлэг байгуулахаар болж, тус суманд фургон автомашин хүлээлгэж өглөө. Сумын иргэд Засгийн газрын тэргүүнээс асуулт асууж, хариулт авч, шударга ёс, хариуцлага, дэг журам тогтоож буй үйлсийг нь дэмжиж байгаагаа илэрхийлж байлаа.

d2eaf0636c4b895bf54f71d0c144c0bb-1024x683 Ерөнхий сайд Хэнтий аймгийн сумдад тулгамдсан асуудлуудыг шийдвэрлэлээ

Өнгөрсөн 2018 онд 13 аймагт ажилласан Ерөнхий сайд У.Хүрэлсүх Засгийн газрын зарим гишүүдийн хамт энэ сард Хэнтий, Говь-Алтай, Ховд аймагт бүтээн байгуулалтын ажилд ямар асуудал тулгарч буйтай танилцаж, газар дээр нь шийдвэрлэж ажиллах юм. Тэрээр мөн Хэнтий аймгийн Мөрөн суманд ажиллаж дараах асуудлуудыг шийдлээ.

2f3407712ce074552ba41cd79a2938d1-1024x1020 Ерөнхий сайд Хэнтий аймгийн сумдад тулгамдсан асуудлуудыг шийдвэрлэлээ

Хэнтий аймгийн хүнсний ногооны хэрэгцээний 40 хувийг хангадаг Мөрөн сумын ногоочид гар аргаар ногоогоо тарьж буй цөөн хэдэн сумын нэг юм байна. Иймээс таван га газрын усалгааны системийг шийдвэрлэж өглөө. Мөн трактор, 60-70 метрийн гүний худаг гаргаж бариулахаар боллоо. Түүнчлэн соёлын төв, ерөнхий боловсролын сургууль шинээр барьж байгуулахаар боллоо.

6282bfd04aa480e273a45237b89fe4aa-1024x799 Ерөнхий сайд Хэнтий аймгийн сумдад тулгамдсан асуудлуудыг шийдвэрлэлээ

Ерөнхий сайд тус сумын иргэдтэй уулзаж Засгийн газрын бодлого шийдвэрийг танилцуулж, иргэдийн асуултанд хариулсан юм.

f66da09afb5391894a2fc39e449a6793-1024x683 Ерөнхий сайд Хэнтий аймгийн сумдад тулгамдсан асуудлуудыг шийдвэрлэлээ 62e0e5d707fac8bd16ffa940f8dc252c-1024x769 Ерөнхий сайд Хэнтий аймгийн сумдад тулгамдсан асуудлуудыг шийдвэрлэлээ 6c71abab0dd8ad26c30215c2b7561dd1-1024x683 Ерөнхий сайд Хэнтий аймгийн сумдад тулгамдсан асуудлуудыг шийдвэрлэлээ

ХОЛБООТОЙ МЭДЭЭ

Сэтгэгдэл

Таны сэтгэгдэл

Back to top button
Close