Нийгэм

“Крипто валют, мөнгө угаах, терроризмыг санхүүжүүлэхтэй тэмцэх нь” сургалт болж байна

Цагдаагийн ерөнхий газар, Эрүүгийн цагдаагийн албанаас Европын аюулгүй байдал хамтын ажиллагааны байгууллагатай хамтран “Крипто валют, мөнгө угаах, терроризмыг санхүүжүүлэхтэй тэмцэх нь” сэдэвт сургалтыг өнөөдөр (2019.05.02) Мөрдөн байцаах албаны хурлын тэнхимд зохион байгуулж байна.

Энэхүү үйл ажиллагааны нээлтэд ЦЕГ-ын Тэргүүн дэд дарга, цагдаагийн хурандаа Р.Отгонжаргал, Европын аюулгүй байдал, хамтын ажиллагааны байгууллагын Эдийн засгийн ахлах зөвлөх, Эдийн засгийн албаны дарга, ноён Андрей Мюнтан болон албаны бусад хүмүүс оролцлоо.

хурал-01 “Крипто валют, мөнгө угаах, терроризмыг санхүүжүүлэхтэй тэмцэх нь" сургалт болж байна

Монгол Улсын цагдаагийн байгууллага алба хаагчдаа мэргэшүүлэх, ялангуяа мөнгө угаах, цахим гэмт хэрэг, терроризм, зэрэг үндэстэн дамнасан зохион байгуулалттай болон шинэ төрлийн гэмт хэрэгтэй тэмцэх чадавхийг сайжруулахад онцгой анхаарал хандуулж, гадаад дотоодын төрийн болон төрийн бус байгууллага, хууль сахиулах чиг үүрэг бүхий байгууллагуудтай нягт хамтран ажиллаж ирсэн.

Манай улс төдийгүй, дэлхий улс орнуудын тулгамдсан асуудлуудын нэг болох “Крипто валют, даркнет, мөнгө угаах болон терроризмыг санхүүжүүлэхтэй тэмцэх нь” сэдвийн дор ЦЕГ, АТГ, ТЕГ, Монголбанкны Санхүүгийн мэдээллийн алба, ГЕГ зэрэг төрийн байгууллагуудын чиглэл хариуцсан албан тушаалтан алба хаагчдын дунд зохион байгуулж байгаагаараа онцлог болж байна.

хурал-03 “Крипто валют, мөнгө угаах, терроризмыг санхүүжүүлэхтэй тэмцэх нь" сургалт болж байна

Энэхүү сургалт нь крипто валют, даркнеттэй холбоотой гэмт хэрэг, мөнгө угаах, терроризмыг санхүүжүүлэхтэй тэмцэх чиглэлээр Монгол улсын холбогдох, төрийн байгууллагуудын чиглэл хариуцсан албан тушаалтнуудын чадавхийг дээшлүүлэх, энэ төрлийн гэмт хэрэгтэй тэмцэхэд тулгамдаж буй бэрхшээлийг нээн илрүүлэх, шийдвэрлэх арга замыг тодорхойлох үр дүнтэй юм.

хурал-04 “Крипто валют, мөнгө угаах, терроризмыг санхүүжүүлэхтэй тэмцэх нь" сургалт болж байна

Эх сурвалж: ЦЕГ

ХОЛБООТОЙ МЭДЭЭ

Сэтгэгдэл

Таны сэтгэгдэл

Back to top button
Close