Умард Солонгост өчигдөр (2017.04.25) Ардын арми байгуулагдсаны 85 жилийн ой тохиолоо. Ойг тохиолдуулан цөмийн зургаа дахь туршилтаа хийж магадгүй хэмээн дэлхий нийт анхааралтай ажиглаж байв. Тус улсын удирдагч Ким Чен Уны удирдлага дор өчигдөр өглөө Вонсан боомт хотын ойролцоо их буугаар галласан байна. Буудлагын талбайд 300-400 их буу байсан гэж цэргийн шинжээчид таамаглаж байна гэж Ёнхоп агентлаг мэдээлсэн байна.
