НийгэмОнцлох мэдээ

“Олон ихт баян”, “Эко хэлхээ” ХХК-иудын хууль бус үйл ажиллагааг таслан зогсоов

Төрийн бус байгууллагаас Дорноговь аймгийн Мэргэжлийн хяналтын газарт ирүүлсэн гомдлын дагуу Даланжаргалан сумын Бичигт багийн нутаг, Худагт хэмээх газарт хайгуулын тусгай зөвшөөрөл эзэмшдэг “Олон ихт баян” ХХК-ийн үйл ажиллагаанд төлөвлөгөөт бус хяналт шалгалт хийлээ. Шалгалтаар тус компани нь газар ашиглах зөвшөөрөлгүйгээр хууль бусаар төмрийн хүдэр баяжуулах үйлдвэрийн суурь цутгах, агаарын шугам татаж бетон зуурмагийн үйлдвэр ажиллуулж байсан үйлдлийг улсын байцаагчийн актаар таслан зогсоосон байна.

5a177a0e8f9822097a61913f4feadd36 "Олон ихт баян", "Эко хэлхээ" ХХК-иудын хууль бус үйл ажиллагааг таслан зогсоов

Мөн Даланжаргалан сумын Засаг даргаас ирүүлсэн “Тус сумын Цомог багийн нутагт жонш баяжуулах үйл ажиллагаа явуулдаг “Эко хэлхээ” ХХК-ийн хаягдлын далан сэтэрч хөрс бохирдуулсан” гэх мэдээллийн дагуу төлөвлөгөөт бус хяналт шалгалт хийжээ. Улмаар тус жонш баяжуулах үйлдвэрийн технологийн шугам /бөмбөлөгт тээрмийн бул/-ыг лацдан үйл ажиллагааг зогсоосон байна. Бохирдсон талбайн гадуур хамгаалалтын хашаа татах, бохирдсон газарт экологийн хохирол тооцуулах ажлыг “Эко үнэлгээ” ХХК-иар хийлгэж байгаа бөгөөд нөлөөллийн бүсийн ойр орчимд нутагладаг малчин айл өрхүүдээс санал авах, нүүлгэх ажлыг эхлүүлэхээр шийдвэрлэж, айлуудыг нүүлгэж буулгах газрыг сумын Засаг даргаар заалгах ажлыг хийж гүйцэтгэж байгаа юм байна.

dg-19-04-02-1024x497 "Олон ихт баян", "Эко хэлхээ" ХХК-иудын хууль бус үйл ажиллагааг таслан зогсоов

ХОЛБООТОЙ МЭДЭЭ

Сэтгэгдэл

Таны сэтгэгдэл

Back to top button
Close