Улаанбаатар хотын нутаг дэвсгэр дэх авто замын тэмдэг, тэмдэглэлд үзлэг, шалгалт, тооллого хийгдэж байна. Энэ ажил дөрөвдүгээр сарын 14-нийг хүртэл хийгдэх аж. Ингэснээр замын хөдөлгөөний аюулгүй байдлыг хангах, зам тээврийн осол, хэргээс урьдчилан сэргийлэх, хөдөлгөөн зохицуулах техник хэрэгслийн бүрэн бүтэн байдлыг хангах, тэмдгийн хулгайтай тэмцэх, нэгдсэн цахим мэдээллийн сан бүрдүүлэхэд ач холбогдолтой юм.
Түүнчлэн нийслэлийн гудамж замд байрлуулсан зар сурталчилгааны самбар, техник хэрэгслүүд нь тэмдгийн утга алдагдуулах, үзэгдэх орчинг халхалсан, хөдөлгөөн зохион байгуулалтад сөргөөр нөлөөлж байгаа эсэхийг тогтоож, илэрсэн зөрчил дутагдлын талаар холбогдох албан тушаалтан, байгууллагад мэдэгдэл, шаардлага хүргүүлж, зөрчлийг арилгуулах арга хэмжээ авч ажиллаж байна. 2018 оны судалгаагаар нийслэл хотын хэмжээнд авто замын нийт 12,000 орчим тэмдэг, тэмдэглэл байдгаас 3,000 орчмыг солих шаардлагатай байжээ.
Эх сурвалж: ТЦА
