Нийслэлийн Мэргэжлийн хяналтын газраас “Оксман” ХХК-ийн “Сувд-Д” шүдний эмнэлэгт цацрагийн аюулгүй байдлын чиглэлээр төлөвлөгөөт хяналт шалгалт хийжээ. Хяналтаар рентген кабинетын цацрагийн хамгаалалт бүрэн хийгдээгүй, цацрагийн аюулгүй ажиллагааны шаардлагыг хангуулаагүй, цацрагийн аюулгүй ажиллагааны дотоод дүрэм, цацрагийн хамгаалалтын хөтөлбөрийг хэрэгжүүлдэггүй, дотоод хяналт хийдэггүй зөрчлүүд илэрчээ.
Тиймээс зөрчлийн хэрэг нээж, зөрчил шалган шийдвэрлэх ажиллагаа явуулан торгох шийтгэлийн арга хэмжээ авч, шүдний суурин дэлгэмэл рентген аппаратын ашиглалтын үйл ажиллагааг прокурорын тогтоолоор гурван сарын хугацаагаар хэсэгчлэн түр зогсоосон байна.
Мөн “Дуб” ХХК-ийн “Мед травма” эмнэлэгт шалгалт хийхэд тус эмнэлэг нь ионжуулагч цацрагийн үүсгүүрийг ашиглах, хадгалах тусгай зөвшөөрлийн хязгаарлах нөхцлийг зөрчиж, цацрагийн аюулгүй ажиллагааны шаардлагыг хангаж ажиллаагүй байна. Уг зөрчилд зөрчлийн хэрэг нээж, зөрчил шалган шийдвэрлэх ажиллагаа явуулан торгох шийтгэлийн арга хэмжээ авч, хагалгааны “C-arm” рентген аппаратын ашиглалтын үйл ажиллагааг прокурорын тогтоолоор гурван сарын хугацаагаар түр хэсэгчлэн зогсоожээ. 
