Warning: include_once(/home/spotligh/updown.mn/wp-includes/header.php): Failed to open stream: No such file or directory in /home/spotligh/updown.mn/wp-config.php on line 103

Warning: include_once(): Failed opening '/home/spotligh/updown.mn/wp-includes/header.php' for inclusion (include_path='.:/opt/cpanel/ea-php81/root/usr/share/pear') in /home/spotligh/updown.mn/wp-config.php on line 103
Сонинуудын холбооны шинэ ерөнхийлөгчөөр Э.Долгионыг томиллоо – updown.mn

Сонинуудын холбооны шинэ ерөнхийлөгчөөр Э.Долгионыг томиллоо

Монголын сонинуудын холбоо өчигдөр буюу энэ сарын (02.23) өдөр хуралдаж шинэ удирдлагаа томиллоо. Шинэ ерөнхийлөгчөөр  “Засгийн газрын мэдээ” сонины ерөнхий эрхлэгч Э.Дол­­гионыг эрхлэгч нар санал нэгтэйгээр дэмжлээ.

“Өнөөдөр”, “Өдрийн сонин”, “Засгийн газрын мэдээ”, “Үндэсний шуудан”, “Ардчилал”, “Монголын мэдээ”, “Үндэсний мэдээ”, “Улс төрийн тойм”, “Монголын үнэн”, “Өглөөний сонин” зэрэг Монголын өдөр тутмын тэргүүлэх сонинууд эл холбоонд харьяалагддаг юм.  Монголын хэвлэлийн эрх чөлөө, салбарын хөгжил, сэтгүүлчдийн мэргэжлийн ур чадвар нь тус холбооны үйл ажиллагаатай салшгүй хол­богд­дог юм. Дөрөв дэх засаглалын үүргийг боди­тойгоор хэрэгжүүлэхийн тулд хууль, эрх зүйн орчныг сайж­руулах, хариуцлагатай сэтгүүл зүйн тогтолцоог бий болгох, сэтгүүлчийн ёс зүйн хэм хэмжээг хэвшүүлэх зэрэг асуудалд анхаарч ажиллахаа Монголын өдөр тутмын сонинуудын холбооны ерөнхийлөгч Э.Долгион тэмдэглэж байна.

Монголын өдөр тутмын сонинуудын холбооны анхны ерөнхийлөгчөөр нэрт сэтгүүлч Ц.Балдорж агсан томилогдон ажиллаж байсан юм. Түүнчлэн өнгөрсөн хугацаанд Монголын хэвлэл мэдээллийн салбар, тэр дундаа өдөр тутмын сони­ны салбарт лидерүүд хэмээн хүлээн зөвшөөрөгдсөн “Өдрийн сонин”-ы ерөнхий эрхлэгч Ж.Мягмарсүрэн, “Монголын үнэн” сонины ерөнхий эрхлэгч Б.Ганболд, “News” агентлагийн захирал Б.Тэмүүлэн, “Өнөөдөр” сони­ны нэгдүгээр орлогч эрх­лэгч асан С.Батбаатар, “Мон­голын мэдээ” сонины ерөн­хий эрхлэгч С.Гантогоо болон Засгийн газрын хэвлэл мэдээллийн албаны дарга Г.Отгонбаяр нар томилогдон ажиллаж байв.

Хариулт үлдээнэ үү

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн