Улс төр

Д.Хаянхярваа: Би УИХ-ын дарга болохгүй

УИХ-ын гишүүдийн 27:37-гийн бүлгүүд тохиролцоо хийж Д.Хаянхярваа гишүүнийг УИХ-ын даргаар, Н.Номтойбаяр гишүүнийг сайд болгох асуудал яригдсан тухай мэдээллийг УИХ-ын гишүүн Ж.Батзандан өчигдөр (2019.01.14) хэвлэлийн хурлын үеэр хэлсэн. Харин МАН-ын бүлгийн дарга Д.Тогтохсүрэнгээсс энэ талаар тодруулахад бүлгийн хуралдаанаар албан тушаалын тухай огт яригдаагүй гэсэн юм.

Тэгвэл УИХ-ын даргад нэр нь яригдаад байгаа гэх Д.Хаянхярваа гишүүн news.mn-д өгсөн тодруулгадаа энэ талаар “Би УИХ-ын дарга болохгүй, надад санал болгосон ч болохгүй. Нэг ийм увайгүй, нийгмийг турхирсан, эрээ цээргүй мэдээлэл хийдгээ болиоч гэж хэлмээр байна. Би ёс зүйгүй зүйл рүү явахгүй. Угаасаа ямар нэг албан тушаалын төлөө шунан дурлагч биш гэдгээ өмнө нь ч хэлж байсан. У.Хүрэлсүх анх Ерөнхий сайд болсныхоо дараа Шадар сайд, Зам, тээврийн хөгжлийн сайдын албыг надад санал болгож байсан. Тэр бүгдэд нь би үгүй гэж хэлж байсан. Харин боломжтой бол УИХ дахь намын бүлгийн даргаа хийгээд явна гэж хэлж байсан. Хариуцлагатай албан тушаал хашиж байгаа хүмүүс хариуцлагагүй үг, үйлдлийнхээ төлөө уучлалт гуйгаад өнгөрч болохгүй. Цаашид нийгмийг турхирсан мэдээлэл өгөхөө болих хэрэгтэй, ялангуяа УИХ-ын гишүүд.” гэсэн хариулт өгчээ.

ХОЛБООТОЙ МЭДЭЭ

Back to top button
Close