“НИНЖИН СЭТГЭЛ” кино үзэгчдийн нижгэр алга ташилтан дор энэ сарын 12-нд кино театруудад нээлтээ хийсэн. Нээлтээ хийгээд ердөө гурав хонож байгаа ч жинхэнэ уран бүтээл гэж юу болох, уран бүтээлч гэж хэнийг хэлэх вэ гэдгийг ойлгодог, мэдэрдэг үзэгчид театр луу зөвхөн “НИНЖИН СЭТГЭЛ”-ийг үзэхээр зорьж байна.
“Хас фильм” студи, урлагийг дэмжигч “Blue Dragon” ХХК-ийн хамтын бүтээл “Нинжин сэтгэл” уран сайхны кино Киноны гол дүрд хошин урлагийн мастеруудын нэг СТА, жүжигчин С.Өлзийхүү, түүний охин Х.Баярмаа, АНУ-д амьдарч, урлагаас нэлээд хөндийрөөд байсан жүжигчин С.Отгонцэцэг, кино урлагийн салбарын эрэлттэй жүжигчдийн нэг П.Шүүдэрцэцэг гээд энэ цагийн нэлээд чадварлаг эмэгтэй жүжигчид тоглосон нь киног хүлээх үзэгчдийн тоог нэмэгдүүлсэн юм.