Иргэний нийгмийн байгууллагуудаас мэдээлэл хийж Ерөнхий сайд У.Хүрэлсүхийн Засгийн газрыг огцрохыг шаардлаа. Тодруулбал, “Хохирогчдын нэгдсэн холбоо”, “Эрс шинэчлэл хөдөлгөөн”, “Эх нутаг хүн зоноо хамгаалъя”, “Нэгдсэн Монгол хөдөлгөөн” зэрэг ТББ-аас Үндэсний мэдээллийн төвд мэдээлэл хийлээ.
Тэд Засгийн газрыг огцруулах үндэслэлээ:
-Зам, тээвэр хөгжлийн яамны газрын дарга нар нэгийнхээ аминд хүрсэн хэргийн хариуцлагыг Ерөнхий сайд У.Хүрэлсүх хүлээж , Засгийн газар нь огцрох ёстой
– Ерөнхий сайд У.Хүрэлсүхийн Засгийн газар 100 хоногийн ажлаа тайлагнаагүй
-Шатахууны үнэ зургаа дахин нэмэгдсэн
-Энэ оны наймдугаар сарын байдлаар 5977 хүн сураггүй алга болсон. Тэдний дотор алга болсон 70 хүүхдийн 7 нь олдсон
– Засгийн газрын гадаад зээлийн өр төлбөр 20 гаруй тэрбум ам.долларт хүрсэн нь огцруулах хангалттай үндэслэл болно гэж мэдэгдэв.
