Монголын үндэсний бөхийн холбооноос намрын нээлтийн барилдааныг өнгөрсөн амралтын өдрүүдэд зохион байгуулахаар товлоод байсан. Гэсэн ч тодорхой шалтгааны улмаас хойшлуулж, өнөөдөр буюу 10 дугаар сарын 6-нд “Алдар” спорт хорооны зааланд зохион байгуулах гэж байна. Нээлтийн барилдаанд улсын арслан П.Бүрэнтөгс, Ц.Содномдорж, Э.Оюунболд тэргүүтэй Улс, аймгийн алдар цолтой 256 бөх зодоглохоор бүртгүүлжээ.