Энэ жилийн баяр наадмаар барилдсан гурван бөхөөс сэргээш илэрсэн талаар мэдээлсэн билээ. Тэгвэл МБҮХ-ны тэргүүлэгчид уржигдар хуралдаж, улсын цолтой нэр бүхий гурван бөхийн барилдах эрхийг хасчээ. Тодруулбал, Баяр наадмын тухай хуулийн дагуу улсын наадамд таваас дээш давсан улсын цолтой бөхчүүдээс допингийн шинжилгээ авах ёстой. Үүний дагуу допингийн шинжилгээ авахад гурван бөхөөс хориотой бодис илэрсэн байна.
Тиймээс Улсын гарьд Н.Ганбаатар, Улсын харцага А.Цацавшир, энэ жил Улсын начин цол хүртсэн Ц.Бямба-Очир нараас сэргээш илэрсэн нь тодорхой болжээ. Тиймээс хориотой бодис илэрсэн бөхчүүдийн барилдах эрхийг хасах шийдвэрийг Үндэсний бөхийн холбооны тэргүүлэгчид гаргасан байна.
Дээрх гурван бөхийн нэг нь сорьцийн хариугаа хүлээн зөвшөөрөхгүй дахин шинжлүүлэхээр гадагшаа явуулсан гэж байсан. Тэгвэл тэр бөх нь Улсын начин Ц.Бямба-Очир байжээ. Тэрбээр энэ жилийн наадамд Улсын арслан Э.Оюунболдоор тав давж, Улсын начин цол хүртсэн билээ.
1 comment
А.Сүхбат гэж гишүүний хийж байгаа ажил юм байна даа. Өөр хэн хийх юм. Юуч илрээгүй шдээ ер нь.