Д.Болд: “Ертөнц 12”-ыг ганцхан удаа тоглоно

Д.Болд: “Ертөнц 12”-ыг ганцхан удаа тоглоно Энтертайнмент Хөгжим “Торгон мэдрэмж” дууны клипийг хүлээн авна уу “Камертон” хамтлагийн ахлагч, Төрийн соёрхолт, дуучин Д.БОЛД бие даасан тоглолтоо хийхээр тов зарлалаа. Түүний тоглолт энэ сарын 31-нд “Буянт- Ухаа” спорт цогцолборт болох юм. Тэрбээр энэхүү тоглолтоо “Болд-Ертөнц-12” хэмээн нэрлэжээ. Түүнтэй тоглолтынх нь талаар цөөн хором ярилцлаа.

– “Ертөнц 12” таны хэд дэх бие даасан тоглолт болж байна вэ?

-Энэ бол миний тав дахь бие даасан тоглолт. Долоон жилийн дараа тоглолт хийх гэж байна. “Хайрын хүч” цомгоос хойш гарсан 12 цомгийнхоо хит дууг үзэгчдэдээ хүргэх болно.

-Нийт хэдэн дуу дуулах бол. Урилгаар ямар уран бүтээлчид оролцох вэ?

-Хит 40 дуугаа дуулна. Амьд хөгжмийн хамтлаг оролцож байгаа. Тоглолтын зохион байгуулагчаар “Монгол HD” телевиз, “Voice mongolia” шоуны баг хамт олон ажиллаж байна. Мөн Voice шоуны ялагч Ц.Энгүүнтэй хамтран дуулах болно. Тоглолтын back vocal-д voice шоуны шилдэг оролцогчид болох Ж.Ариунжаргал, О.Бүжинлхам нар ажиллана. Мөн урилгаар дуучин Хулан, “Гурван охин” хамтлагийн Соло нар хүрэлцэн ирнэ. BAT, Quiza нартайгаа хамтран олон жилийн дараа дуулахаар болоод байна. Шинэ залуу реппэр Гинжинтэй хамтран шинэ уран бүтээл гаргаж байгаа.

-Тоглолтоо яагаад “Буянт ухаа цогцолбор”-т хийхээр болсон бэ?

-“Ертөнц 12”-ыг ганцхан удаа тоглоно. Тиймээс үзэгчдийг тав тухтай байлгах үүднээс энэ газрыг сонгосон. Бас автомашины зогсоол хангалттай зэрэг олон давуу талыг бодолцож үзсэн.

-Тоглолтын тасалбар худалдаанд гарсан уу?

-Тасалбарыг онлайнаар худалдаалж эхэлсэн байгаа. Мөн “HIFI” дэлгүүрийн салбараар худалдаална. Үнийн хувьд 20-50 мянган төгрөг байгаа.

One thought on “Д.Болд: “Ертөнц 12”-ыг ганцхан удаа тоглоно

  1. zochin 2018-08-20 23:16 at 23:16

    ene solgoi hooloit.g hen uzdeg bna uzdeg uls n hulgai hj mungu olson uls l uzeh bhda kkk kkk Zailuul mungunii humasdald orj de kkk yaj tur.s shagnal avch chadaj bna

    Хариулах

zochin-д хариу үлдээнэ үү Хариултыг цуцлах

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн