Нийгэм

Хан-Уул дүүргийн Туул тосгон шинэ цэцэрлэгт хүрээлэнтэй боллоо

Хан-Уул дүүрэг  “Эко дүүрэг” болох зорилтын хүрээнд  Хан-Уул дүүргийн Засаг даргын Тамгын газар, Тохижилт үйлчилгээний төвийн санаачлагаар 120 мянгатын автобусны буудлын хойно ногоон байгууламжтай таван тивийн ан амьтадын баримал хөшөөтэй Нийслэлд жишиг болох “Шинэ Хан-Уул” цэцэрлэгт хүрээлэнг шинэчлэн байгуулсан.

15337881285b6bbfe00c2b0 Хан-Уул дүүргийн Туул тосгон шинэ цэцэрлэгт хүрээлэнтэй боллоо

Өчигдөр /2018.08.08/ Хан-Уул дүүргийн Туул тосгон ногоон байгууламжтай шинэ цэцэрлэгт хүрээлэнтэй боллоо. 1,2 га талбайтай тус ногоон байгууламж бүхий тус цэцэрлэгт хүрээлэнг зүлэгжүүлэн цэцгийн мандалтай гацуур, улиас суулгаж, 60 гаруй ан амьтдын баримал хөшөө,  усан оргилууртай цэцэрлэгт хүрээлэн Хан-Уул дүүрэгт дахин нэгээр нэмэгдлээ. Мөн эргэн тойрны хашаа хайсыг бүрэн шинэчлэн засаж янзалсан байна.

15337881335b6bbfe57aa66 Хан-Уул дүүргийн Туул тосгон шинэ цэцэрлэгт хүрээлэнтэй боллоо

13 дугаар хороо нь Хан-Уул дүүргийн алслагдсан хороодын нэг бөгөөд 1400 гаруй өрх, 4107 хүн амтай хороо юм. Тус хорооны иргэд амарч зугаалах цэцэрлэгт хүрээлэн байдаггүй байсан байна.

15337881385b6bbfeac1fa5 Хан-Уул дүүргийн Туул тосгон шинэ цэцэрлэгт хүрээлэнтэй боллоо

Тус цэцэрлэгт хүрээлэн байгуулагдсанаар бага насны хүүхэдтэй эцэг эхчүүд хүүхдээ агаар салхинд гаргах, хүүхдүүд аюулгүй орчинд тоглож наадах, ахмадууд чөлөөт цагаа ая тухтай өнгөрүүлэх  тохиромжтой орчин бий болж байгаа юм.

15337881435b6bbfefe5ba6 Хан-Уул дүүргийн Туул тосгон шинэ цэцэрлэгт хүрээлэнтэй боллоо

Ялангуяа алслагдсан хороодын иргэд амралт чөлөөт цагаа зөв боловсон өнгөрөөх боломж бололцоо хомс заавал хотын төв рүү цаг заваа үрэн амарч зугаалж өнгөрөөдөг байсан цаг үе ийнхүү ард хоцорч байна.

15337881495b6bbff53f5fb Хан-Уул дүүргийн Туул тосгон шинэ цэцэрлэгт хүрээлэнтэй боллоо

Эх сурвалжhttp://www.zaluu.com/read/27311h2cc

 

ХОЛБООТОЙ МЭДЭЭ

Сэтгэгдэл

Таны сэтгэгдэл

Back to top button
Close