Дэлхийд

Дунд сургуулийн сурагч ангийн охин, багшаа хүйтэн мэсээр гэмтээжээ

Дунд сургуулийн нэгэн сурагч мэдээлэл зүйн танхимд сууж байсан ангийнхаа охин болон багшийг хутгалсан гэмт хэрэг гарсан байна.

Энэ хэрэг ОХУ-ын Бүгд найрамдах Башкир улсын Стерлитамак хотын 1 дүгээр дунд сургуульд болсон байна. Гэмт этгээд багш болон сурагч руу халдсаны дараа танхимд шатамхай бодис асган, гал тавьжээ. Дараа нь тэрбээр амиа хорлох гэж оролджээ.

Бэртэл гэмтэл авсан хоёр сурагч эмнэлэгт хүргэгдсэн бөгөөд  багш нь сэхээн амьдруулах тасагт хэвтэж байгаа аж. Халдлага үйлдсэн этгээд нь тус сургуулийн 17 настай сурагч байсан бөгөөд тэрбээр нийгмийн сүлжээний “ВКонтакте” хуудастаа аллага, үзэн ядалтын талаархи зураг болон дүрс бичлэгүүдийг оруулдаг байжээ.

Халдлага үйлдэхээсээ өмнө тэрбээр АНУ-ын “Колумбайн” хэмээх дунд сургуульд болсон халдлагын талаархи дүрс бичлэгийг “ВКонтакте” хуудастаа нийтэлсэн байна. ОХУ-ын мөрдөн байцаах газар халдлага үйлдсэн сурагчид эрүүгийн хэрэг үүсгэжээ.

92cc3aee23566032c8fd7b1d76e26bb9 Дунд сургуулийн сурагч ангийн охин, багшаа хүйтэн мэсээр гэмтээжээ

ХОЛБООТОЙ МЭДЭЭ

Сэтгэгдэл

Таны сэтгэгдэл

Back to top button
Close