Стюарт гэх 47 настай австрали бүсгүй “Miss Maxim 2018” тэмцээний хагас шигшээд шалгарчээ. Тэрбээр ялах өндөр магадлалтай байгаа гэнэ. Жина дөрвөн хүүхдийн ээж аж. Хоёр хүү, хоёр охины ээж тэрбээр саяхан ачтай болсон байна.
Урт шаргал үстэй, гоолиг биетэй түүнийг харахад 20-той, үгүй юмаа гэхэд 30-тай болов уу гэмээр. Жина гоо сайхны мэс засалд нэг л удаа орж байжээ. Тэрбээр 10 жилийн өмнө хөхөө томруулж байсан аж. Гоо сайхны ямар нэгэн тариа, эм бэлдмэл зэргийг огт хэрэглэдэггүй, байгаагаараа өтлөхийг хүсдэг Жина “Энэ дэлхийн бүх хүн сайхан. Би энэ тэмцээнд оролцсоноороо эмэгтэйчүүдэд байгаа байдалдаа сэтгэл хангалуун байж, өтөлсөн гэдгээсээ хэзээ ч санаа зовохгүй байх урам зоригийг өгөх болно. Намайг энд хүмүүс “эмээ залуу охидоос илүү оноо авчихлаа” гэдэг” хэмээн ярьжээ.
Тэрбээр ялагч болвол шагналынхаа мөнгийг бие нь өвдсөн найзынхаа эмчилгээнд зориулахыг хүсч байгаа аж.
