Батноров сумын Засаг дарга Г.Тайванжаргал нутгаа хамгаалсныхаа төлөө зодуулжээ

Байрнаасаа хөдөлсөн чулуу гурван жил эвээ олдоггүй” гэх эртний сургаалийг өвгөд буурлууд маань хойч үедээ захиж, нутгийнхаа чулууг үр хүүхдээсээ илүү хайрладаг байсан гэдэг. Гэтэл сүүлийн хэдэн жилийн дотор нутгийн иргэд,  чулууны наймаачид говь нутгийнхаа чулууг цөлмөөд дуусчээ. Ашиг хонжоо харсан байгаль сүйтгэгчдээс хөрсний алаг чулуугаа харамлаж хамгаалсан Хэнтий аймгийн Батноров сумын Засаг дарга Г.Тайванжаргал биедээ хүнд бэртэл авч, гурван цагийн хүнд хагалгааг амжилттай давсан байна. Энэ тухай  Urantogtoh гэх хаягтай иргэн твиттерт жиргэсэн нь олон нийтийн анхааралд өртөөд байгаа юм. Түүнийг хэсэг бүлэг этгээдүүд зодож биед маш хүнд гэмтэл учруулжээ.