Монгол хүний давсны дундаж хэрэглээ Дэлхийн эрүүл мэндийн байгууллагын зөвлөмжөөс 2.5 дахин өндөр /11,5 гр/ байгаа. Үүнээс шалтгаалан, артерийн даралт ихсэх, цус харвалт зэрэг зүрх судасны өвчлөл буурахгүй байгаа нь эрүүл мэндийн статистик дүн, хүн амын дунд хийсэн халдварт бус өвчлөл, хоол тэжээлийн судалгааны дүн нотлоод байна.
Ялангуяа үйлдвэрийн аргаар боловсруулсан хүнс болон хоолны 83-86 хувь нь хэт их давстай байна. Тиймээс хүнс болон хоолонд агуулагдах давсны хэрэглэээг бууруулахад технологич , тогооч нарын оролцоо маш чухал гэдгийг мэргэжилтнүүд хэлж байв.