“+17-гийн амжилт хямдхан олдоогүй”

Хошин урлагийн ертөнцөд тэсрэлт хийсэн “+17 инээдмийн цуврал”-ын Цогтоо Жижгээ нар үзэгчдээс өндөр үнэлгээ аваад буй. Харамсалтай нь залуусыг байлдан дагуулсан тус уран бүтээлч залуусын энэхүү бүтээлийг хэн нэгэн хэсэг бүлэг этгээдүүд лайк шэйр цуглуулах зорилгоор бүтээлийг нь хуулбарлан фэйсбүүкт тараах болсон нь залуусын урмыг хугалаад байна. Энэ тухай Цогтоо фэйсбүүк хуудсаараа дамжуулан ийнхүү бичжээ.

Тэрбээр “Бид хамтдаа цувралынхаа зураг авалтыг 90 хоногийн туршид амжилттай хийж гүйцэтгэв. Энэ бол Монголын анхны насанд хүрэгчдийн шоу сериал билээ. Гол зорилго онцлог маань бут авах байлаа. Үзэгчдийн сэтгэл ханамжийг нэн түрүүнд тавьснаар 30-аад хүний бүрэлдэхүүн бүгд сэтгэл зүрхээ гаргаж, үзэгчийн нүдэнд өртхөөргүй жижиг хэрэглэлд ч ач холбогдол өгч байсан. Нэг хүний сэтгэл дутхад л бидний хүссэн зүйл нурна. Энэ хугацаанд нойр гэдэг зүйлд дарлуулан, өглөөнөөс авхуулаад үүр цайтал ажиллаж байлаа. 2 3хан цаг унтаад буцаад л зургандаа гарч байв. Бид хоолоо идэж байхдаа ч цувралаа яавал илүү гоё байх бол гэж боддог байлаа.

Өвлийн ид тачигнасан хүйтэнд чармай шалдан унжуургандаа тоосго уячихсан (хиймэл эд л дээ) хөл нүцгэн цастсан мөсөн дээр зогсож байхад юм юм л бодогддог юм билээ. За тэр ч яахав. Хэхэ. Камер зөөж байрлуулах, гэрэл сүүдэр тааруулах гээд багахан зайнд ачаалалтай жүжигчид тус газраа зогссон бол зогсоогоороо, сууж байсан бол суугаагаараа дуг хийчдэг байв. Шалихгүй ядралт л даа. Залуу хүн хичнээн ядарсан ч яс нь ядардаггүй юм. Энэ бидний уриа. Мөн бид ар гэрийнхэндээ анхаарал халамж тавилгүй, зөвхөн уран бүтээлийн төлөө урагшаагаа л харцгаасан байсан. Энэ хугацаанд юу л хийдэг юм болдоо гэж бодож байсан байхдаа.

Хамтын бүтээлд оролцсон бүх уран бүтээлч зураг авалтанд орсон 800-д залуусдаа баярлалаа. Мөн бидний уран бүтээлийг залуучууд гэж гололгүй 3000н төгрөг төлж, дараа дараагийн уран бүтээлд маань хөрөнгө оруулж үздэг Монголынхоо мянга мянган үзэгчиддээ чин сэтгэлээсээ баярлалаа гэж хэлье. Бас (аймар ядаргаатай тэ хэха) олиггүй нөхдүүдээс болж хулгайн контентийг маань үзчихсэн хэрнээ хүндэтгэлтэй хандаж, биднийг үнэлж үнэнчээр бэлнээр болон дансаар мөнгө шилжүүлсэн, таксигаар хүргэж өгсөн, худалдагч бол чихэр өгсөн бүхий л сайхан сэтгэлт хүмүүсдээ баярлалаа. 🙏🙏🙏” гэжээ. Мөн тэд шинэ кинондоо бүх анхаарлаа хандуулж, өөр бусад кинонд тоглох саналаас ч татгалзана гэсэн.