Жил бүр сүрьеэ өвчний 10.4 сая шинэ тохиолдол бүртгэгдэж, 1.8 сая хүн хорвоог орхиж байна. Манай улс ДЭМБ-ын Номхон далайн баруун эргийн бүсийн 37 орноос сүрьеэгийн өвчлөл өндөртэй орны тоонд ордог.
Сүүлийн таван жилийн эрүүл мэндийн статистик үзүүлэлтээр сүрьеэ нь улсын хэмжээнд бүртгэгдэж буй нийт халдварт өвчний дотор дунджаар 9.8 хувийг эзэлж, жил бүр 4000 гаруй хүн шинээр сүрьеэ өвчнөөр өвчилж байгаа аж. Хэрэв дараах шинж тэмдэг илэрвэл нэн даруй эмчид хандах шаардлагатай.
