“Жи-Тайм”-ын хохирогчдын тоо 12 000-д хүрчээ
Амар хялбар аргаар хурдан хугацаанд мөнгөтэй болох гэсэн олон хүнийг залилж эд хөрөнгө, сэтгэл санааны гүн хохиролд учруулсан “Жи-Тайм” гэх сүлжээг үүсгэн байгуулсан Маженов Марат, М.Оюунчимэг нарт холбогдох хэргийн мөрдөн байцаалт саяхан дуусчээ. Казакстаны ядуурлыг бууруулах төсөл нэрийдлээр манай улсад орж ирсэн энэ сүлжээний хохирогчдын тоо 12 000-д хүрчээ.
“Жи-Тайм”-ын толгойлогч М.Маратыг 2016 оны хоёрдугаар сард монголчуудаас луйвардсан таван тэрбум гаруй төгрөгөө Казахстан руу гэр бүлийнхнийхээ нэр дээр шилжүүлээд хилээр гарах гэж байхад нь цагдаагийнхан баривчилснаас хойш өнөөг хүртэл хэргийг эцэслэн шийдвэрлэж чадаагүй байгаа юм.