17 кг хүрэхгүй жинтэй япон охины зургийг дэлгэв

Японы Киото хотын нэгэн иргэн төрсөн өвөө, эмээгийнхээ хүчирхийлэлд байнга өртсөнөөс болж жин нь хасагдаж, 17 кг хүрэхгүй жинтэй болсон зургаа дэлгэлээ.

Metro-д бичсэнээр охины өвөө, эмээ нь түүнийг хоол идэхийг хориглож, жаахан ч атугай юм идэж байгаа харагдвал зоддог байжээ. Үүний улмаас япон охин хэт тураалд орж, амиа алдах дөхсөн байна. Эмч нар түүнийг үхэхэд хэдхэн минут л дутуу болчихсон байсан гэжээ.

Охин юуны учир, хэдий хэр хугацаанд өвөө эмээгийнхээ хүчирхийлэлд өртөж амьдарсан нь тодорхойгүй байна. Ямартай ч тэрбээр аврагдсанаасаа хойш 10 жилийн дараа өөрийнхөө түүхийг хуваалцахаар шийджээ.

Гэр бүлийн хүчирхийлэлд өртсөн энэ охин өөр шиг нь байдал орсон хүмүүсийг тэвчиж, хүлээлгүй тусламж хүсч байгаарай гэж уриалсан байна.