АНУ-ын Миннесота мужийн Миннеаполист тун сайхан хэрнээ маш хүйтэн өвөл болж байна. Харин Том Гроттинг хэмээх эр энэ хүйтэнд зугаацах аятайхан арга бодож олжээ.
Том угаасан жийнсэн өмдийг гадаа хатааж, хөлдөөж байгаад энд тэндгүй байрлуулж, үл үзэгдэгч хүн шиг болгон зургийг нь авдаг болжээ.
“Үндсэндээ би үүнийг хөршийн Диана бүсгүйд зориулан хийсэн. Тэр өвөлд дургүй. Тийм болохоор би түүний анхаарлыг жаахан ч гэсэн сарниулах гэж оролдсон” гэжээ.
Нутгийн иргэдэд нь ч энэ гэрэл зураг ихэд таалагдсан байна. Ингээд хөлдөөсөн өмдний зураг Миннеаполис даяар тархаж эхэлжээ.
