Ховд аймгийн Булган сумын нутаг “Булган” голын мөсөн дээр тоглож байсан долоон настай хүү харзны усанд унаж, осолдсон харамсалтай хэрэг энэ сарын 14-нд гарчээ. Онцгой байдлын аврагчид осол болсон өдөрийн 13:00 цагаас хойш эрэн хайх, аврах ажиллагааг зохион байгуулж байгаа ч өнөөдрийг хүртэл олдоогүй байна.
Аврах багийнхан эрлийн ажиллагааг үргэлжлүүлж байгаа аж. Хэдийгээр дөрвөн ес эхэлж, жавар тачигнасан хүйтэн байгаа ч голын ус хөлдөөгүй тул автомашинтай зорчих, бага насны хүүхдүүдээ тоглуулахгүй байхыг холбогдох албаны хүмүүс анхааруулж байна.