Хойд Солонгост үйлдвэрлэсэн суудлын машин нэг км-т 42-50 грамм түлш хэрэглэдэг

Хойд Солонгос улс шинэ загварын автомашин сурталчилж эхэлжээ. “Нэнара” загварын уг машин нь хөнгөн тэрэг, микроавтобус, том оврын автобус, тэр ч бүү хэл мини ачааны машин гэсэн олон төрөлтэй.

БНАСАУ-ын ЭСЯ-ны хэвлэлийн танилцуулгад дурдсанааар хөнгөн тэрэг, автобусны түлшний зарцуулалт  нэг километрт 42-50 грамм бол ачааны машин нь нэг километрт 58 грамм иддэг гэнэ. “Нэнара” автомашины загварууд цагт 120-180 км хурдлах чадвартай гэжээ. Үүнээс гадна машинд агааржуулагч, цахилгаан шил өргөгч, зогсоолын камер зэргийг суурилуулсан гэнэ.