Хамгийн хамгийн

Дэлхийн шилдэг 11 их сургууль

“Times Higher Education World University Rankings” жил бүр явуулдаг судалгааны хүрээнд 2018 оны дэлхийн шилдэг их сургуулиудын жагсаалтыг гаргажээ. Шинжээчид жагсаалтыг гаргахдаа дэлхийн 1000 шилдэг сургуулийг судалсан байна. Ингээд боловсролын түвшин, судалгаа, түүнчлэн нөлөөлөл зэрэг шалгууруудаар үнэлжээ.

Үүнээс гадна судалгаанд оюутнуудын тоо, шинжлэх ухааны зэргийн тоо зэрэг бусад үзүүлэлтийг ч авч үзсэн байна. Ингээд дэлхийн шилдэг 11 их сургуулийг танилцуулъя.

11.Пенсильванийн их сургууль

300912.640xp Дэлхийн шилдэг 11 их сургууль

Байрлал: АНУ, Пенсильвани муж, Филадельфи хот

Оюутны тоо: 20361

Пенсильванийн их сургууль нь АНУ-ын судалгаа шинжэилгээний хувийн их сургууль бөгөөд Ороонго өвсний элит лигт багтдаг. 1740 онд Бенжамин Франклин байгуулсан. Дэлхийн эртний их сургууль, АНУ-ын анхны их сургууль.

Америкийн нэрт яруу найрагч Эзра Паунд, Британийн шог зохиолч Эдуард Женкинс, дэлхийн хамгийн баян хүмүүсийн нэг Уоррен Баффет, Пенсильвани мужийн амбан захирагч Эд Ренделл, АНУ-ын конгрессийн олон гишүүн, Засгийн газрын гишүүд, мужийн захирагчид, хотын дарга нар, элчин сайдууд, компанийн захирлууд суралцаж байсан.

10.Швейцарийн Цюрихын технологийн дээд сургууль

300909.640xp Дэлхийн шилдэг 11 их сургууль

Байрлал: Швейцарь, Цюрих

Оюутны тоо: 19233

Цюрихын технологийн дээд сургууль 1855 оны 10 дугаар сарын 16-нд байгуулагдсан. Швейцарийн төдийгүй дэлхийн хамгийн шилдэг их сургууль юм.

Төгсөгчид, профессорууд дотроос Нобелийн шагнал хүртсэн 21 хүн байдаг. Эдгээрээс хамгийн алдартай нь 1921 оны физикийн салбарт шагнал хүртсэн Альберт Эйнштейн юм.

9.Чикагогийн их сургууль

300907.640xp Дэлхийн шилдэг 11 их сургууль

Байрлал: АНУ, Иллионойс муж, Чикаго хот

Оюутны тоо: 13525

Чикагогийн их сургууль нь 1890 онд байгуулагдсан, Чикаго хотын судалгааны хувийн их сургууль юм. Тус их сургууль нь шинжлэх ухаан, нийгэм, улс төр судлалын нөлөөллөөрөө дэлхийн хамгийн алдартай, нэр хүндтэй сургууль болж чаджээ.

8.Лондоны эзэн хааны коллеж

300900.640xp Дэлхийн шилдэг 11 их сургууль

Байрлал: Их Британи, Лондон

Оюутны тоо: 15857

1907-2007 он хүртэл Эдэн хааны коллеж нь Лондоны их сургуулийн бүрэлдэхүүнд багтдаг байв. Харин 2007 оны 07 дугаар сарын 08-нд 100 жилийн ойгоор нь бие даасан коллеж болгожээ. Эзэн хааны коллеж нь Оксфорд, Кэмбрижийг багтаагаад Британийн хамгийн элит их сургуулийн гурвалжинд багтдаг.

7.Принстоны их сургууль

300899.640xp Дэлхийн шилдэг 11 их сургууль

Байрлал: АНУ, Нью-Жерси муж, Принстон хот

Оюутны тоо: 7955

АНУ-ын хамгийн эртний их сургуулиудын нэг бөгөөд судалгааны хувийн их сургуульд ордог. Ороонго өвсний лигийн 8 их сургуулийн нэгд багтдаг. Хүмүүнлэг, нийгэм, техникийн шинжлэх ухааны салбарт бакалавр, магистрын диплом олгодог.

6.Харвардын их сургууль

300898.640xp Дэлхийн шилдэг 11 их сургууль

Байрлал: АНУ, Массачусетс муж, Кэмбриж

Оюутны тоо: 29326

АНУ-даа төдийгүй дэлхийн хамгийн алдартай сургууль юм. Тус сургуулийн оюутан, ажилтан, багш гээд нийт 75 хүн Нобелийн шагнал хүртжээ. Харвардын их сургууль нь тэрбумтан төгсөгчдийн тоогоор тэргүүлдэг. Тус их сургуулийн номын сан АНУ-даа хамгийн том академийн номон санд багтдаг. Мөн Ороонго өвсний лигт багтдаг.

5.Массачусетсийн технологийн дээд сургууль

300895.640xp Дэлхийн шилдэг 11 их сургууль

Байрлал: АНУ, Массачусетс муж, Кэмбриж хот

Оюутны тоо: 11177

Массачусетсийн технологийн дээд сургууль нь робот техник, хиймэл оюун ухааны салбарт шинэчлэгч бөгөөд инженерийн хөтөлбөр, мэдээллийн технологийн салбар дахь хөтөлбөр, эдийн засаг, физик, хими, математик зэрэг хөтөлбөрүүдээрээ алдартай. Түүнчлэн менежмент, хэл шинжлэл, улс төрийн шинжлэх ухаан, гүн ухаан зэрэг салбарараа тэргүүлж байна.

4.Стэнфордын их сургууль

300894.640xp Дэлхийн шилдэг 11 их сургууль

Байрлал: АНУ, Калифорни муж, Стэнфорд хот

Оюутны тоо: 15845

Стэнфордын их сургууль нь АНУ-даа нэр хүндээрээ хамгийн дээгүүрт бичигддэг, дэлхийн нөлөө бүхий их сургууль юм. Хууль, анагаах ухаан, технологи, хөгжим гээд олон факультетттэй. Түүнчлэн бизнесийн дээд сургууль, шинжлэх ухааны судалгааны төв зэрэг олон сургуулийг эгнээндээ багтаасан. Цахиурын хөндийд байрлалтай тус сургуулийн төгсөгчид Hewlett-Packard, Electronic Arts, Sun Microsystems, Nvidia, Yahoo!, Cisco Systems, Silicon Graphics, Google зэрэг компаниудыг үүсгэн байгуулсан гавьяатай.

3.Калифорнийн технологийн дээд сургууль

300891.640xp Дэлхийн шилдэг 11 их сургууль

Байрлал: АНУ, Калифорни муж, Пасадена хот

Оюутны тоо: 2209

Нарийн шинжлэх ухаан, инженерчлэлийн чиглэлээр Массачусетсийн технологийн дээд сургуультай зэрэгцэн үйл ажиллагаа явуулдаг АНУ-ын хамгийн чухал, хамгийн шилдэг дээд сургууль юм. Реактив хөдөлгүүрийн лабораторитой бөгөөд эндээс NASA-гийн сансрын автомат хөлгийн ихэнх хэсгийг гаргадаг. Тус дээд сургуультай Нобелийн 31 шагналтан ямар нэгэн байдлаар холбогддог. Эдгээрийн 17 нь төгсөгч нь бол 18 нь эрдэмтэн, профессорууд нь юм. Түүнчлэн багш, төгсөгчдөөс нь 65 хүн АНУ-ын үндэсний шинжлэх ухааны медаль, технологи, инновацийн салбар дахь үндэсний медаль зэргийг хүртэж байжээ. Мөн 112 хүн Үндэсний шинжлэх ухааны академийн гишүүнээр сонгогдсон.

2.Кэмбрижийн их сургууль

300886.640xp Дэлхийн шилдэг 11 их сургууль

Байрлал: Их Британи, Кэмбриж

Оюутны тоо: 18389

Их Британийн хамгийн эртний бөгөөд том сургуулиудын нэг. Их сургуулийн зургаан сургуульд оюутан, аспирант элсүүлэн суралцуулдаг. “Сургууль” болгон нь хэд хэдэн факультет, тэнхимд нэгдэж, шинжлэх ухааны судалгааны хүрээлэн, лаборатори зэрэгт хуваагдан ажилладаг.

Кэмбрижийн их сургуультай Нобелийн 88 шагналтан холбогддог. Энэ үзүүлэлтээрээ дэлхийд нэгдүгээрт бичигддэг байна.

1.Оксфордын их сургууль

300885.640xp Дэлхийн шилдэг 11 их сургууль

Байрлал: Их Британи, Оксфорд

Оюутны тоо: 20409

Английн Оксфорд хотод байрлалтай, дэлхийн хамгийн эртний их сургууль юм. Яг хэдийд байгуулагдсан нь тодорхойгүй ч 1096 оноос үйл ажиллагаа явуулж эхэлсэн гэх мэдээлэл байдаг.

ХОЛБООТОЙ МЭДЭЭ

1 сэтгэгдэлтэй

  1. Энд сурсан Хятадууд эх орондоо чоод ингэж хөгжүүлж байгаа байх даа. Гэтэл манайхан улсын мөнгөөр сурчихаад эх орноосоо зугатаадаг муухай. Охиноо сургамаар л байна. Даанч мөнгө алга даа. бидний жирийн хүмүүсийн зүүдэнд л сурах сургууль байна даа. Гоё юмаа

Сэтгэгдэл

Таны сэтгэгдэл

Back to top button
Close