Азийн улс орнуудын хөгжил, бодлогын зангилаа асуудлуудыг хэлэлцдэг “Азийн ирээдүй” форум өнгөрсөн зургадугаар сарын 5-6-ны өдрүүдэд Токио хотноо болсон. Энэхүү форумд Гадаад харилцааны сайд Ц.Мөнх-Оргил оролцож, Монгол Улсын эдийн засаг, нийгмийн байдал, хөгжлийн зорилт, Ази, Номхон далайн бүс нутагт явуулж буй гадаад бодлого, үйл ажиллагаа, тус бүс нутгийн хөгжил, төлөвийн талаарх манай улсын байр суурийн тухай танилцуулан илтгэл тавьсан юм.
Түүний тавьсан илтгэл хуралд оролцогчдод тараасан анкетийн дүнгээр нийт 28 илтгэлээс Сингапурын Ерөнхий сайд асан Го Чак Тон, Малайзын Ерөнхий сайд асан М.Махатир нарын дараа III байрт шалгарсан байна. Түүнчлэн “Азийн ирээдүй” форумд оролцогчид Гадаад харилцааны сайд Ц.Мөнх-Оргилыг улс төрчийнх нь хувьд сонирхолтой гэж 28 илтгэгчээс хоёрдугаарт нэрлэжээ.
“Азийн ирээдүй” форумыг Японы “Никкей” сонины газраас жил бүр уламжлал болгон зохион байгуулдаг бөгөөд 23 дахь удаагийн энэхүү хуралдаанд Япон, Индонез, Вьетнам, Лаос, Малайз, Тайланд, Сингапур, Филиппин зэрэг улсаас дээд, өндөр түвшний төлөөлөгчид оролцсон байна гэж Гадаад хэргийн яамнаас мэдээлэв.
Гадаад харилцааны сайд Ц.Мөнх-Оргилын тус форумд тавьсан илтгэлийн хэсгээс …
5 comments
гайхалтай
Oyutnuud l itgeliin uraldaan zarladag baix
Далан худалч
Гадаад Яам энэ бол тасралтгүй үргэлжилдэг онцгой алба байдаг ！. Одоо байгаа сайдын үүрэг гүйцэтгэгчийг цаашид үргэлжлүүлэн ажиллуулах нь зүйтэй юмдаг уу даа. Энэ нь ОУ-д итгэл төрүүлэх хамгийн шилдэг аргачилал
Орос,англи хэлээр чөлөөтэй ярьдаг ийм хүн гадаад хэргийн яаманд зайлшгүй байх нь зөв