Улаанбаатар хотын зам талбайд үүссэн халтиргаа гулгааг арилгах ажилд үндэсний бөхийн дэвжээнүүд оролцохоор болжээ.
Тодруулбал Нийслэлийн Ерөнхий менежер Ц.Төрхүү, МҮБХ-ны тэргүүн Ц.Магалжав, Монголын Бурхан шашинтны төв Гандантэгчэнлин хийдийн Тэргүүн их хамба Д.Жавзандорж болон бөхийн дэвжээний төлөөллүүд өчигдөр уулзсан байна.
Тус уулзалтаар бөхийн дэвжээнийхэн нийгмийн хариуцлагын хүрээнд халтиргаа гулгаа ихээр үүсэж иргэд, хүүхэд багачууд зорчиход хүндрэлтэй болсон газруудад гаргасан хуваарийн дагуу цэвэрлэхээр болсон талаар Монголын Үндэсний Бөхийн Холбооноос мэдээлэв.
Ховд болон Хөвсгөл аймгийн дэвжээний бөхчүүд энэ ажлыг эхлүүлж, бусдыгаа уриалан дуудах аж.
Хог хаягдлын тухай хуулийн 10 дугаар зүйлийн 10.2.10-т зааснаар аж ахуйн нэгж, байгууллагын орчны 50 метр хүртэлх нийтийн эдэлбэр газрын хог хаягдал, цас мөсийг тухайн аж ахуйн нэгж цэвэрлэх үүрэгтэй байдаг