Нарны гүүрийн замд өнөөдөр /2023.12.12/ 12:00 цагийн үед осол гарч замын хөдөлгөөнийг түр хугацаанд хязгаарлажээ. Автобус, машинтай мөргөлдсөн бөгөөд ослын улмаас хүний амь нас хохироогүй байна.
Ослоос шалтгаалж тус замын хойш, урагш чиглэсэн хөдөлгөөнийг хязгаарлаж, түгжрэл үүсгэжээ.
Тээврийн цагдаагийн албанаас замын хөдөлгөөнд зохицуулалт хийж байгаа гэв.
Халтиргаа гулгаа үүссэн үед тээврийн хэрэгсэлтэй хөдөлгөөнд оролцохдоо хурдаа тохируулж зорчихыг анхааруулж байна. Мөн зориулалтын тэмдэг, тэмдэглэгээтэй газар дүрмийн дагуу эргэх, зорчихыг ТЦА-наас анхаарууллаа.
