БНХАУ-ын Ханжоу хотод энэ есдүгээр сарын 23-наас аравдугаар сарын 8-ны өдрүүдэд болсон Азийн зуны спортын 19 дүгээр наадамд Монгол Улсын 364 тамирчин спортын 34 төрөлд өрсөлдөхөд хоёр алт, таван мөнгө, 13 хүрэл медаль хүртсэн билээ.

Тус наадмын түүхэн дэх манай улсын баг тамирчдын хамгийн өргөн бүрэлдэхүүн болсон юм. Засгийн газрын 2018 оны 173 дугаар тогтоолын дагуу “Ханжоу-2022” Азийн наадмаас медаль хүртсэн 45 тамирчин, тэдний дасгалжуулагч 11 хүнд мөнгөн шагнал болох 372 сая 750 мянган төгрөгийг олгосон байна.

Жүдо, бокс, сагсан бөмбөгийн 3х3-ын эрэгтэй, эмэгтэй баг, буудлага, цахим спорт, дугуй, байт харваа, чөлөөт бөх, кураш, жюү жицү гэсэн спортын 10 төрөлд Монголын 45 тамирчин медальтай ирсэн.

Тус наадамд үндэсний шигшээ багийн болон шигшээ багийн бус 23 спортын төрлийн 231 тамирчин, 31 дасгалжуулагчийн зардалд 700 орчим сая төгрөгийн дэмжлэгийг улсын төсвөөс гаргасан болохыг БТСУХ-ноос мэдээллээ.

By Enkhjin

Хариулт үлдээнэ үү

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн