Албани улсын Тирана хотноо чөлөөт бөхийн U23 насны Дэлхийн Аварга Шалгаруулах Тэмцээн/ДАШТ/ энэ сарын 23-нд эхэлсэн билээ.
ДАШТ-д Монгол Улсаас ганцхан бөх очсон бөгөөд 57 кг-ийн жинд Б.Мөнх-Эрдэнэ эхний даваанд гоц мөргөж, Украины Георгий Казанжиг 9:2 оноогоор, Энэтхэгийн Шубхамыг 13:2 оноогоор ялж, шөвгийн дөрөвт 2022 оны Европын АШТ-ий хүрэл медальт Армений Манвел Хнзрцянтай өрсөлдөж 3:13 оноогоор ялагдлаа.
Хүрэл медалийн төлөө Германы Никлас Стечелег 7:5 оноогоор ялав. Ингэснээр тэрбээр ДАШТ-ий хүрэл медалийн эзэн боллоо.
Б.Мөнх-Эрдэнийг Төгс дэвжээний дасгалжуулагч, ОУХМ М.Баярсайхан удирдан оролцжээ.
