Дархан-Уул аймгийн Хонгор сумын Сяньбигийн үеийн язгууртны бунхант булшны малтлага хийгдэж байна. Малтлага өнөөдрийн байдлаар бунханы хойд талд бүтэн хоёр язгууртны хөндөгдөөгүй (арай малтаж гараагүй) оршуулга зэрэгцээ байх бөгөөд бунханы үүдэнд тэдгээрийг дагалдуулж тавьсан хоёр хүн (зарц бараа бологсод бололтой хоёр язгууртан руу харуулж суугаа болон хагас суугаа байдлаар тавьсан бүтэн), 20 гаруй шавар ваар сав болон ан амьтад илэрч олдоод байна.
Малтлага өнөөдөр дуусна гэж Дархан-Уул аймгийн Соёл, урлагийн газраас мэдээллээ.
